Johana 10:16 - MUMA MALER 2015

¹⁶ To bende an gi rombe moko ma ok ni e duondni. Gin bende nyaka akelgi, kendo giniwinj duonda, eka rombe duto nobed kueth achiel man gi jakwath achiel.

Motingʼo Loko Manyien

¹⁶ An gi rombe moko ma ok ni e abich rombegi. Gin bende nyaka akelgi kendo giniwinj dwonda, eka rombe duto nobed kweth achiel man-gi jakwath achiel.

Johana 10:16 ပူးပေါင်းရင်းမြစ်များ

Chakruok 49:10

Juda nomak ludh loch, kochunge e kind tiendene, kobedo ruoth nyaka wuon loch ma biro rito ogendini duto, chopi.

Zaburi 86:9

Ogendini duto ma isechueyo, A Ruoth Nyasaye, biro kuloreni, kendo gibiro miyo nyingi duong’,

Eklesiastes 12:11

Weche mag joma riek chalo gi ludhe ma jokwath kwayogo rombe, kata ka musmande ma ogo matek. Nyasaye ma jakwadhwa achiel kende waduto, ema osechiwo wechego.

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Isaya 43:6

Abiro wacho ni jo-nyandwat ni mondo oweu. Jo-milambo to abiro nyiso niya, “Kik ugeng’nigi,

Isaya 49:6

“Tich dwoko jo-Israel ma nyikwa Jakobo mane oke en tich ma in jatichna ihingo. Kuom mano, abiro loki ler mar ogendini, mondo iter warruokna e tung’ piny gi tung’ piny.”

Isaya 52:10

Ruoth Nyasaye osenyiso tekone, mana e nyim ogendini duto ka neno, omiyo ji duto modak e tung’ piny koni gi koni none ka Ruoth Nyasaye reso joge.

Isaya 56:8

An Ruoth Nyasaye machoko jo-Israel moke, awacho kama: “Ji duto mane odong’ mak ochoki, pod abiro dwoko dala.”

Ezekiel 34:12

mana kaka jakwath rito rombene mane olal moke, to ochako onwang’o. Abiro duogogi kagologi kuonde duto mane gikee, chieng’ masira mane piny otimo mudho.

Ezekiel 34:23

Anamigi jakwath achiel, ma en jatichna Daudi, kendo enoritgi maber.

Ezekiel 34:6

Kamano romba bayo abaya ewi gode, kendo gike kuonde duto e pinyu, to onge ng’ama manyogi kata ma temo mondo ochokgi.

Ezekiel 37:22

Anariwgi mondo gibed oganda achiel e piny gode mag Israel. Ginibed gi ruoth achiel maritogi, bende ok ginichak gipogre ogendini ariyo, kata pinje ariyo.

Ezekiel 37:24

Jatichna Daudi ema nobed ruodhgi. Kamano giduto giniriwre e bwo ruoth achiel, mi gimak chikena.

Hosea 1:10

“To kata kamano jo-Israel nobed mang’eny ma ok nyal kwan kata pim, mana ka kuoyo mae dhonam. Sani koro awachonigi ni ok gin joga, kendo chieng’ moro nawachnigi niya, ‘Un nyithind Nyasaye mangima’,

Zekaria 2:11

Chieng’no ogendini mang’eny nobi ir Ruoth Nyasaye mi bed joge kendo enodag e kindu

Mathayo 17:5

To kane pod owuoyo, bor polo marieny nobiro moumogi gi tipone, kendo ne giwinjo dwol moro ka wacho gie bor polo niya, “Ma e Wuoda mahero. Chunya mor kode. Winjeuru.”

Luka 15:8

“Koso ka dhako moro nigi siling’ apar mamingli, to achiel olalne, donge domok taya, mi oyue ode komanyo maber kuonde duto nyaka oyude?

Johana 10:11

“An e jakwath maber. To ung’eyo ni jakwath maber chiwo ngimane nikech rombe.

Johana 10:2

Jakwadh rombe to donjo mana gi e dhorangach.

Johana 10:27

Romba ong’eyo dwonda, kendo an bende ang’eyogi, kendo giluwo bang’a.

Johana 10:3

En ema jarit rangach yawone. Rombe bende winjo duonde koluongogi achiel achiel gi nyinggi kogologi oko.

Johana 10:4

Kosegologi duto to otelonigi, kendo giluwe, nikech ging’eyo duonde.

Johana 10:5

Ok ginyal luwo ng’ama gikia nikech ok ging’eyo duonde, omiyo giringo aringa.”

Johana 11:52

To ne ok okoro ni Yesu biro tho mana ne jo-Yahudi kende, to ni obiro tho mondo ochok nyithind Nyasaye obed e kanyakla achiel.

Johana 17:20

“Ok gin kende ema akwayonigi, to akwayo bende ni jogo moyie kuoma nikech wach ma gilando.

Johana 6:37

Ji duto ma Wuoro omiya nobi ira, kendo ng’ato ang’ata mobiro ira ok nariemb ngang’,

Tich Joote 15:14

Simon osenyisowa kaka Nyasaye nochako chon mondo okwa jomoko kuom joma ok jo-Yahudi olok joge owuon.

Tich Joote 18:10

nikech an kodi, kendo onge ng’ama nobuki mondo otimni gimoro marach, nimar ji mang’eny manie dalani gin joga.”

Tich Joote 22:14

Eka ne owachona niya, ‘Nyasaye ma Nyasach kwerewa oseyieri mondo ing’e gima odwaro, kendo ine Jatichne Makare kendo iwinj dwonde owuon kowuoyo kodi.

Jo-Rumi 11:25

Owetena, wach moro mopondo nitie e wachni ma adwaro mondo ung’e, nikech dipo ka uparo ni uriek. Wachno chalo kama: Bath jo-Israel konchiel chunygi osedoko matek, to mano biro dhi nyime nyaka kar romb joma ok jo-Yahudi ma Nyasaye dwaro, yud warruok.

2 Jo-Thesalonika 2:13

Un owetewa ma Ruoth ohero, nyaka wago ni Nyasaye erokamano pile nikech un, nimar un ema Nyasaye noyierou nyaka a chakruok mondo uyud warruok, ka opuodhou gi Roho, kendo kuom yie ma un-go kuom adiera.

Jo-Hibrania 13:20

Nyasach kue mane ochiero Ruodhwa Yesu oa kuom joma otho gi teko mar remb muma mochwere, mi okete Jakwath Maduong’ mar rombe,

1 Petro 2:10

“Chon ne ok un oganda kata matin, to tinde un oganda Nyasaye. Chon ne un mabor gi ng’wono mar Nyasaye, to koro useyudo ng’wonone.”

1 Petro 2:25

Ne oyudo ulal ka rombe, to koro useduogo ir Jakwadhu, kendo Jarit chunyu.

1 Petro 5:4

Eka ka jakwath maduong’ obiro, to unuyud osimbo mar duong’ ma ok kethre, manyiso ni uselocho.

Fweny 3:20

Winji! Achung’ e dhoot kendo adwong’o. Ka ng’ato owinjo dwonda, mi oyawo dhoot, to anadonj ire, kendo anachiem kode, to en bende nochiem koda.