Johana 1:14 - MUMA MALER 2015

¹⁴ Wach nodoko dhano, mi odak kodwa, kende ne waneno duong’ne maler. En duong’ machalo gi duong’ mar Wuowi ma miderma, mopong’ gi ng’wono kod adiera.

Motingʼo Loko Manyien

¹⁴ Wach nodoko dhano kendo nodak kodwa. Waseneno duongʼne, ma en duongʼ mar Wuowi ma Miderma, ma noa ka Wuoro kopongʼ gi ngʼwono kod adiera.

Johana 1:14 ပူးပေါင်းရင်းမြစ်များ

Zaburi 2:7

Ruodhno to wacho kama, “Abiro hulo gima Ruoth Nyasaye osewacho. Nowachona niya, ‘In e wuoda. Tinende asedoko wuoru.

Zaburi 45:2

In e ng’at ma jaberie moloyo ji duto, kendo in e jatwak mong’ith. Omiyo Nyasaye oseguedhi nyaka chieng’.

Zaburi 85:9

Adier, oikore mar reso jogo ma miye luor, kendo duong’ne maler biro siko e pinywani.

Isaya 40:5

Eka duong’ maler mar Ruoth Nyasaye nofwenyre, mi ji duto nonene kaachiel, nimar Ruoth Nyasaye owuon ema owacho kamano.”

Isaya 53:2

Jatich Ruoth Nyasaye nodongo e nyime mana ka yath ma tiendene nie lowo motwo. Ne oonge gi chia, bende ne oonge gi duong’ moro, mane nyalo mako wang’wa, mi mi wahere.

Isaya 7:14

Koro Ruoth Nyasaye owuon biro miyou ranyisi ma chalo kama: Nyako moro osemako ich, kendo obiro nywolo wuowi, ma obiro chako ni Emanuel, (ma tiende ni, Nyasaye ni kodwa.)

Ezekiel 37:27

Anadag kodgi kanyo, mi abed Nyasachgi, kendo gibed joga.

Mathayo 1:16

to Jakobo nonywolo Josef chwor Maria. Maria to ema nonywolo Yesu miluongo ni Mesia.

Luka 2:11

Kawuono osenywolnu Jawar e dala Daudi. En Mesia ma Ruoth.

Luka 2:7

mi ne onywolo nyathine makayo ma wuowi. Ne oboye gi nanga, mi opiele e sanduk mimiyoe dhok chiemo e kisika dhok, nikech thuolo ne onge e od welo.

Luka 9:32

Nindo notero Petro kod joma ne gin-go, to kane gichiew ne gineno duong’ maler mar Yesu, kaachiel gi ji ariyo mane ochung’ kode kande.

Johana 1:1

Kar chakruok, Wach ne nitie. Wach ne ni kod Nyasaye, kendo Wach ne en Nyasaye.

Johana 11:40

To Yesu nodwoke ni, “Donge nende awachoni ni ka in gi yie, to ibiro neno duong’ mar Nyasaye?”

Johana 14:6

Yesu nodwoke niya, “An e yo, kendo an e adiera. Onge ng’ama dhi ka Wuora mak okadho kuoma.

Johana 14:9

To Yesu nodwoke niya, “Filipo, asebedo kodu ndalo mang’eny, to kara in pok ing’eya? Ng’at ma osenena, to oseneno Wuoro. Kuom mano, ere kaka iwacho ni mondo anyisu Wuoro?

Johana 17:22

Asemiyogi duong’ mane imiya, mondo gibed achiel kaka wan bende wan achiel,

Johana 17:24

“Wuora, adwaro mondo joma isemiyagi obed koda kama intie, mondo gine duong’ ma isemiya, nikech nihera kapok ochwe piny.

Johana 18:37

Eka Pilato nowachone ni, “Kara in ruoth.” To Yesu nodwoke ni, “In ema iwacho ni an ruoth. An to ne onywola, mi abiro e piny mana ni mondo awuo gi ji kuom adiera. Ng’ato ka ng’ato man gi adiera kuome to winjo dwonda.”

Johana 2:11

Yesu notimo hono Kana e piny Galili. En e ranyisi mane okwongo timo. Kamano nonyiso duong’ne maler, mi jopuonjrene noyie kuome.

Johana 3:16

Nyasaye nohero piny ahinya kama, omiyo nochiwo Wuode ma miderma mondo ng’ama oyie kuome kik lal, to obed gi ngima ma nyaka chieng’.

Johana 3:18

Ng’ama oyie kuom Wuowi onge gi bura, to ng’ama ok oyie kuome to bura oseloyo nikech ok oyie kuom Wuowi ma miderma mar Nyasaye.

Johana 6:51

An e kuon mangima mane olor oa e polo. Ng’at mochamo kuonni nobed mangima nyaka chieng’. To bende kuon ma abiro chiwo mondo piny oyud ngima en ringra.”

Johana 8:32

Bende ubiro ng’eyo adiera, kendo adiera nomi ubed thuolo.”

Tich Joote 13:33

Nyasaye osetimonwa gima ne osingore ni kwerewa, mana kaka Muma wacho e Zaburi mar ariyo ni, ‘In e Wuoda, tiende ni asedoko Wuoru.’

Jo-Rumi 8:3

Gima Chik Musa ne ok nyal timo nikech nyawo mar dhano e gima Nyasaye notimo kane ooro Wuode e kido mar ringruok machal mana gi ringrewa matimo richo, mondo obed misango magolo richo. Kamano, kane en e ringruokno, nomiyo bura oloyo richo,

Jo-Rumi 9:5

Gin e nyikwa kwerewa madongo machon, kendo korka anywola, to Mesia ne oa e ogandagi. Opak Nyasaye Moloyo Gik Moko Duto nyaka chieng’! Amin.

1 Jo-Korintho 15:47

Dhano mokwongo nochue gi lowo mar piny, to dhano mar ariyo noa e polo.

2 Jo-Korintho 12:9

to nowachona niya, “Mich ma amiyi kuom ng’wonona oromi, nikech kama nyawo nitie ema teko tiyoe moloyo.” Emomiyo amor ahinya pakora nikech nyawona, mondo teko mar Kristo odag kuoma.

Jo-Galatia 4:4

To kane ndalo mowinjore ochopo, Nyasaye nooro Wuode owuon. Wuodeno, dhako ema nonywolo, mi odak e bwo Chik Musa,

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

Jo-Kolosai 1:19

nikech Nyasaye owuon ema ne oyiero mondo en owuon odag kuom Kristo gi kite duto.

Jo-Kolosai 2:3

En ema mwandu duto mag rieko kod ng’eyo opand kuome.

Jo-Kolosai 2:9

Nyasaye mangima gi kite duto odak kuom Kristo, tiende ni e ringre Kristo,

1 Timotheo 3:16

Chutho, mano kaka adiera mar yie mwapuonjo duong’ ahinya! Owacho niya, “Kristo nobiro e ringruok ka dhano. Roho ne onyis ni oonge gi ketho. Malaika ne onene. Ne oland nyinge e kind ogendini. Ji ne oyie kuome e piny ngima Ne otere malo e duong’.”

Jo-Hibrania 1:3

En ema orieny kaka duong’ maler mar Nyasaye, kendo en e kit Nyasaye hie, kendo en ema omiyo gik moko duto osiko nikech wachne man gi teko. Kane en owuon oseloso yor pwodhruok kuom richo, nobet piny e bat korachwich mar Nyasaye manie polo.

Jo-Hibrania 1:5

Onge malaika moro mane Nyasaye owachone ni, “In e Wuoda: tinendeni asedoko Wuoru,” kata mane owacho kuome ni, “Anabed wuon mare, kendo enobed wuoda.”

Jo-Hibrania 10:5

Mano emomiyo, kane Kristo biro e piny, nowacho ni Nyasaye niya, “Ok misengni kod chiwo ema nidwaro, to ringruok ema iseikona.

Jo-Hibrania 2:11

Jal mapwodho ji, kaachiel gi jogo mipwodho, giduto gin nyithind ng’at achiel. Mano emomiyo oluongogi ni owetene, ma ok wiye okuot,

Jo-Hibrania 5:5

Kamano bende Kristo ne ok oyierore kende owuon mondo okaw duong’ mar bedo jadolo maduong’, to Nyasaye ema nokete jadolo maduong’ kawachone ni, “In e Wuoda, tinendeni asedoko Wuoru,”

1 Johana 4:14

Waseneno ni Wuoro nooro Wuode mondo obed Jawar mar piny, kendo wanyiso ji wachno.

1 Johana 4:9

Nyasaye nyisowa hera moherowago kuom oro Wuode ma miderma e piny ni mondo wayud ngima kuome.

2 Johana 1:7

Jowuond mathoth osewuok e piny. Gin e jogo ma ok oyie ni Yesu Kristo nobiro kaka dhano. Ng’at ma kamano en jawuond, kendo en Jasik Kristo.

Fweny 19:13

kendo orwakore gi law moling’ore e remo. Iluonge ni Wach Nyasaye.

Fweny 21:3

Ne awinjo dwol maduong’ moa e kom maduong’ kawacho niya, “Koro Nyasaye osebiro dak gi ji! Obiro dak kodgi kendo ginibed joge. Nyasaye owuon biro bet kodgi, mi obed Nyasachgi.