Joel 2:23 - MUMA MALER 2015

²³ Beduru mamor un jo-Sayun, beduru mail kuom gima Ruoth Nyasaye ma Nyasachu osetimonu. Omiyou koth maber moromo cham, adier, omiyou kodh chwiri gi kodh opon, kaka chon.

Motingʼo Loko Manyien

²³ Yaye jo-Sayun moruru, beduru moil kuom Jehova Nyasaye, ma Nyasachu, nikech osemiyou koth mar chwiri e yo makare, asemiyou ngʼidho mogundho, moriwo kodh chwiri kod kodh opon, mana kaka chon.

Joel 2:23 ပူးပေါင်းရင်းမြစ်များ

1 Ruodhi 8:36

to yie mondo iwinjgi e polo, kiweyonigi richogi. Nyisgi yo maber ma onego giwuothie, kendo imi koth chue e pinyi misemiyo jogi mondo obed mwandugi.

Ayub 33:23

Kamoro dipo ka achiel kuom malaika gana gi gana mag Nyasaye, maparo ni ng’ato tich monego oti, nyalo konye.

Ayub 37:13

Ndalo moko Nyasaye kelo koth e piny mondo okumgo ji, to ndalo moko okele mondo onyisgigo kaka oherogi.

Zaburi 104:34

Mad obed mamor gi wenda, nikech en ema omiyo abedo mail.

Zaburi 147:8

Oyaro boche polo e kor polo, kendo okelo koth e piny, lum bende omiyo loth e gode.

Zaburi 149:2

A Israel, bed mamor nikech jachuechni. Ee, beduru gi ilo, un jo-Sayun, nikech Ruodhu.

Zaburi 28:7

Ruoth Nyasaye e tekra, kendo e okumbana. Asegeno kuome, mi okonya, omiyo amor kendo awerone wende pak.

Zaburi 32:11

Un ji duto morito chike Nyasaye, beduru mamor ahinya nikech gima Ruoth Nyasaye osetimo. Koguru gi ilo, un ji duto muluore.

Zaburi 84:6

Ka gikadho e holo motwo, to holono lokore thidhya, kendo kodh opon kelone gueth.

Ngeche 16:15

Mor ma ruoth nigo e pat wang’e kelo ngima, mana kaka boche polo kelo koth e ndalo chwiri.

Isaya 30:21

To kubaro koracham kata korachwich, mi uweyo yo, to unuwinj gi itu uwegi ka dwol moro wachonu gi kang’eu niya, “Ma e yo, luweuru.”

Isaya 30:23

Ruoth Nyasaye nokel koth ni chambu, kendo nomi puotheu chieg cham mogundho. Jambu bende nokwa e lege madongodongo,

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 61:10

Wabeduru mamor kuom Ruoth Nyasaye gi tekowa duto. Adier wabed moil kuom Nyasachwa, nimar oserwakowa gi warruok mana ka ng’ama orwako nanga, bende oboyowa gi tim makare ma ka ng’ama obo gi law, kendo mana ka wuon kisera magawo maua e ng’ute, kata ka miaha morwako thiwni mabeyo.

Jeremia 3:3

Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Jeremia 5:24

Ne ok uwacho e chunyu niya, ‘Ber waluor Ruoth Nyasachwa, ma miyowa kodh chwiri gi kodh opon e kinde mowinjore, kendo ma miyowa kinde mwakeyoe higa ka higa.’

Ywagruok 4:2

Neye kaka yawuot Sayun ma yande beyo ka dhahabu maler, tinde ipimo mana gi aguch lowo, ma dhano ema ochueyo.

Ezekiel 34:26

“Anaguedhgi kendo anawe gidag e alwora mar goda maler, kakelonigi koth e kinde mowinjore.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Tim jo-Lawi 26:4

to anakelnu koth e kinde mowinjore, mi pinyu nochieg cham kendo yiendu nonyag olembe.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Zekaria 10:1

Kwauru Ruoth Nyasaye koth e kinde mowinjore, nimar en ema okelo boche polo morweyo, eka koth chue mi dhano gi le yud chiemo.

Zekaria 10:7

Jo-Israel nochal gi jolweny marateke, bende ginibed moil ka joma ometho. Nyithindgi none kamano, mi bed mamor, kendo ginipak Ruoth Nyasaye gi ilo.

Zekaria 9:13

Aseloko Juda atung’ kendo asetimo Israel asere. Asekawo yawuoti yaye Sayun, mi aloko ligangla ma akedogo gi jo-Yunani.”

Zekaria 9:9

Un jo-Sayun, beduru mamor! Koguru matek, yaye jo-Jerusalem, nimar ruodhu biro iru, kolocho. Obiro komuol, kendo koidho kanyna. Chutho oidho kanyna matin. Adier, en mana nyathi kanyna.

Tich Joote 14:17

To kata kamano timbe mabeyo mane osebedo kotimo ema nyisou kite kaka chal, nikech okelonu koth moa e polo kendo omiyo chambu chiek e kinde mowinjore. Kamano omiyou chiemo, kendo opong’o chunyu gi mor.”

Rapar mar Chik 11:14

to enokelnu koth e ndalo chwiri gi ndalo opon, mondo uyud cham gi mzabibu kod mo.

Rapar mar Chik 28:12

Ruoth Nyasaye biro golo koth e polo kar kenone, mondo ochwenu e ndalo mowinjore, kendo obiro guedho gik moko duto mutimo. Ogendini mang’eny biro holo gik moko kuomu, to un ok nuhol kuomgi.

Rapar mar Chik 32:2

Puonj mara mondo obed ka koth machue e lek, kendo wechena mondo obed ka tho mamiyo lum doko mang’ich.

Jo-Filipi 3:1

Koro oritu owetena, kendo beduru mamor kuom Ruoth. Onge teko moro ma aneno kuom nwoyonu weche mane asendikonu mokwongo, kendo en gima biro konyou.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

Jo-Filipi 4:4

Beduru mamor pile kuom Ruoth kendo amedo wacho ni, beduru mamor.