Joel 2:22 - MUMA MALER 2015

²² Un le bende, kik ubed maluor, nikech lege loth, kendo yien nyago olemo. Ee, yiend ng’owo kod mzabibu nyago olemo mang’eny.

Motingʼo Loko Manyien

²² Yaye le manie thim, weuru luor; nikech pewe kwath koro loth, yiende nyago olembegi; Ngʼowu gi mzabibu golo mwandugi.

Joel 2:22 ပူးပေါင်းရင်းမြစ်များ

Chakruok 4:12

Chakre tinende, kipuro lowo, to ok nonyagni cham, kendo inibed jabayo ma onge gi kar dakne e piny ka.”

Zaburi 36:6

Timni makare ogurore ka gode madongo, kendo rieko mingadogo bura tut ka nam. In Ruoth Nyasaye, irito dhano gi le.

Zaburi 65:12

Lege duto jamni opong’o, kendo kor gode duto otimo mor lilo.

Zaburi 65:13

Rombe opong’o pewe, kendo holni duto cham onurie. Omiyo gode gi pewe gi holni goyo koko kendo wer nikech gimor.

Zaburi 67:6

Piny osechiek maber! Nyasaye ma Nyasachwa oseguedhowa.

Isaya 51:3

An Ruoth Nyasaye naho chuny Sayun. Adier, anaguedh kuonde modong’ gundni, mi alok kuonde motimo ongoro bed ka Eden, puoth Nyasaye. Mor gi ilo, kaachiel gi erokamano kod wer mamit nopong’ Sayun.

Ezekiel 36:30

Adier, anami olembu nyag mang’eny, kendo chambu chieg mathoth, mondo kik uchak ubed gi kech ma dikuod wiu e kind ogendini.

Ezekiel 36:35

mi ji duto nowach niya, “Piny ma yande thimni tinde chalo gi puoth Eden, kendo mier mane omukore mi oyaki kendo owe gundni, tinde ochiel motegno, kendo ji odakie.”

Ezekiel 36:8

To un joga Israel, yien nochak odongnu e gode mag Israel, mi nyagnu olembe, nikech ubiro dok e pinyu mak odeko.

Jona 4:11

an to donge dakech Nineve, dala maduong’ man gi nyithindo moloyo alufu mia achiel gi piero ariyo, (120,000) kaachiel gi jamni mang’eny?”

Hagai 2:16

Donge kane ng’ato obiro kama ochokie cham, ka oparo ni obiro yudo gunde piero ariyo, to ne oyudo mana apar kende?

Zekaria 8:12

Ginichwo kodhi ka gin gi kue, mi mzabibu nonyag olembe, kendo lowo nochieg cham. Koth bende nochuenigi maber, kendo anaguedh joma odong’ kuom jogagi gi gigo duto.

1 Jo-Korintho 3:7

Kamano ng’at ma opidho yath, kata ng’at moolo pi ok kwan ni osetimo gimoro, to mak mana Nyasaye momiyo yadhno odongo ema otimo gimoro.