Jeremia 9:26 - MUMA MALER 2015

²⁶ kaka jo-Misri gi jo-Juda gi jo-Edom gi jo-Amon kod jo-Moab, kaachiel gi ji duto modak e thim ma timgi en tito yie wigi, nikech tero nyangu mar jogo duto, kaachiel gi mar jo-Israel, ok en tero nyangu mar chuny to en mana mar ringruok.

Motingʼo Loko Manyien

²⁶ kaka Misri, Juda, Edom, Amon, Moab gi jogo duto modak kuonde motimo ongoro man maboyo. Nimar ogendinigi duto ok oter nyangu adier, kendo kata od Israel duto bende ok oter nyangu e chunygi.”

Jeremia 9:26 ပူးပေါင်းရင်းမြစ်များ

Jeremia 10:1

Un jo-Israel winjuru wach ma Ruoth Nyasaye osewachonu:

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Jeremia 40:11

E kindeno jo-Yahudi duto mane ni e piny Moab gi piny Amon gi piny Edom kod pinje mamoko nowinjo ni ruodh Babulon oseyie ni jo-Yahudi moko mondo odag adaga e piny Juda. Bende ne giwinjo ni oseketo Gedalia mondo obed jatendgi.

Jeremia 49:32

Yakuru ngamia maggi kod jambgi mogundhogo. Abiro keyo jo-Kedar ma timgi en tito yie wigi, kuonde duto, kendo abiro kelo kuomgi masira moa koni gi koni. An Ruoth Nyasaye ema awacho kamano.

Jeremia 6:10

Ne adwoke niya, “Ere ng’ama diwinja, ka awuoyo kodgi, kata ka akwerogi kamano? Gisedino itgi, omiyo ok ginyal winjo. Gisetamore winjo wachni, kendo gitugo mana gi gima iwacho.

Ezekiel 31:18

“Yadhno en ruodh Misri, kaachiel gi ogandane duto. Kuom yien duto mag Eden, onge moro marabora kendo ma mako wang’ moloye. To koro obiro dhi mwalo e Piny Joma Otho mana ka yiend Eden mamoko, mi obed gi joma kia Nyasaye, kod joma ne oneg e lweny. An Ruoth Nyasaye ema awacho kamano.”

Ezekiel 32:19

kipenjogi niya, ‘Uparo ni ubeyo moloyo ji mamoko koso? Dhiuru urieru gi joma kia Nyasaye mane osetho!’

Ezekiel 44:7

Gisedwanyo Hekaluna, ka giyie ni jopinje mamoko ma ok ter nyangu kendo mochaya donjo e Hekalu e kinde ma itimona misango gi boche kod remo. Kamano joga oseketho singruok mane atimo kodgi, kuom gik mamono ma gisetimo.

Ezekiel 44:9

“An Ruoth Nyasaye awacho kama: Japiny moro amora ma ok ter nyangu kendo mochaya ok nochak odonj e Hekaluna kata obed mana japiny moro modak e Israel.

Tim jo-Lawi 26:41

An to nabed mamon kodgi, kendo natergi e piny wasikgi. Bang’e chunygi ma ok oyie timo kaka adwaro nobolre, kendo giniyud kum kuom richogi.

Tich Joote 7:51

“Mano kaka un joma wigi tek, ma chunygi bor gi Nyasaye, kendo modagi winjo wachne! Uchalo mana gi kwereu, nikech ndalo duto usegeng’o tich Roho Maler, mana kaka gin bende ne gitimo!

Rapar mar Chik 30:6

Ruoth Nyasaye ma Nyasachu nomi chunyu gi chuny nyikwau tim gik ma odwaro, mondo uhere gi chunyu duto kendo gi adiera, eka ubed mangima.

1 Samuel 14:6

Jonathan nowacho ni jating’ne gilweny niya, “Bi mondo waidh loka ir jolweny mag joma ok ter nyangugo. Dipo ka Ruoth Nyasaye okonyowa, nimar onge gima mono Ruoth Nyasaye resowa, kata ka wang’eny, kata ka wanok.”

1 Samuel 17:26

Daudi nopenjo joma nochung’ bute niya, “Ang’o ma ibiro timo ni ng’at ma nyalo nego ja-Filistia cha, kogolo wichkuot kuom jo-Israel? Ja-Filistia ma ok oter nyanguno en ng’a, ma dothian ni ogend Nyasaye mangima?”