Jeremia 9:24 - MUMA MALER 2015

²⁴ To ng’at madwaro sungore, to mondo osungre mana nikech ong’eya, kendo wechena osedonjone, nimar an Ruoth Nyasaye ahero ji gi hera mosiko, kendo atimo gik makare kendo mowinjore e piny, nikech kamano e kaka adwaro. An Ruoth Nyasaye ema awacho kamano.”

Motingʼo Loko Manyien

²⁴ to ngʼat ma sungore mondo osungre kama: ni ongʼeya, kendo owinja, ni An e Jehova Nyasaye, matimo ngʼwono, kendo mangʼado bura mar adier, kendo matimo gik makare e piny, nikech magi ema amorgo,” Jehova Nyasaye ema owacho.

Jeremia 9:24 ပူးပေါင်းရင်းမြစ်များ

Zaburi 20:7

Ji moko ogeno kuom gechegi mag lweny, to moko ogeno kuom faresegi. Wan to wageno kuom teko mar Ruoth Nyasaye!

Zaburi 34:2

Abiro dende kuom gik ma osetimo, mondo ji duto ma ithiro owinji kendo obed mamor.

Zaburi 34:3

Konyauru hulo duong’ mar Ruoth Nyasaye. Adier! Wapakuru nyinge kaachiel!

Zaburi 44:8

Pile wabiro paki, kendo goyoni erokamano nyaka chieng’!

Zaburi 44:9

To koro, yaye Nyasaye, isedagiwa, mi imiyo wasikwa oloyowa. Ndalogi ok idhi gi jolwenjwa e lweny.

Zaburi 51:1

A Nyasaye, kecha nikech herani mosiko! Ywe richona duto kuom ng’wononi maduong’.

Zaburi 91:14

Nyasaye owacho niya, “Anawar joma ohera, kendo nakony jogo mong’eya.

Zaburi 99:4

En Ruoth maduong’ mohero gik makare. Osekelo adiera e Israel, ma piny nyikwa Jakobo. Ee, osekelo tim maber gi bura makare.

Isaya 20:5

Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Isaya 41:16

Unupiedhgi mi yamo notergi mabor, kendo kalausi nokegi. To un to unubed mamor, nikech Ruoth Nyasaye ma Ng’ama Ler mar Israel.

Isaya 45:25

Nyikwa Israel duto nolochi kendo noyud duong’, mana nikech Ruoth Nyasaye.’

Isaya 61:8

nimar an Ruoth Nyasaye ahero adiera, to amon gi mecho kod timbe mamono. Omiyo abiro miyou pok ma ok lokre, mi atim kodu singruok mochwere.

Jeremia 22:16

Ne oyalo jochan kare, omiyo gige duto nodhi maber. Gik ma kamago ema nyiso ni ng’ato ong’eyo Ruoth Nyasaye.

Jeremia 4:2

Ka ukuong’oru gi nying Ruoth Nyasaye gi adiera gi bura makare kendo gi tim malong’o, to ogendini biro kwaya mondo gin bende aguedhgi kaka aseguedhou, kendo gibiro miya duong’.

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Mika 7:18

A Ruoth Nyasaye, onge Nyasaye moro maromo kodi. Iweyo ni jogi iwuon modong’ richogi, kendo ok ikechi nyaka chieng’, to iherowa gi hera mosiko.

Mathayo 11:27

“Wuora oseketo gik moko duto e lweta. To onge ng’ama ong’eyo Wuoro to mak mana Wuowi, kod joma Wuowi omiyo ong’eye.

Luka 10:22

“Wuora oseketo gik moko duto e lweta. To onge ng’ama ong’eyo Wuowi, mak mana Wuowi kod joma Wuowi omiyo ong’eye.”

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Jo-Rumi 5:11

To ok mano kende. Wamor bende kuom Nyasaye nikech gima ne Yesu Kristo Ruodhwa otimonwa, nimar en ema nomiyo wadoko osiep Nyasaye.

1 Jo-Korintho 1:31

Mano emomiyo, “Ng’at madwaro sungore to mondo osungre mana nikech gik ma Ruoth osetimo,” mana kaka Muma wacho.

2 Jo-Korintho 10:17

Muma wacho niya, “Ng’at madwaro sungore, to mondo osungre, mana nikech gik ma Ruoth osetimo.”

2 Jo-Korintho 4:6

Watimo kamano nimar Nyasaye achiel mane owacho ni mondo ler orieny e chunywa mondo okelnwa ler mar ng’eyo duong’ mar Nyasaye mineno e wang’ Yesu Kristo.

Jo-Galatia 6:14

An to ok anyal pakora kuom gimoro mak mana kuom msalap Ruodhwa Yesu Kristo, mosemiyo piny ochalona ka gima ogur e msalaba, kendo ma osemiyo an bende achalo ni piny ka ng’ama ogur e msalaba.

Jo-Filipi 3:3

To wan ma Roho Maler ema otelonwa kuom lamo Nyasaye, wan e joma oter nyangu adier, kendo sungawa ni kuom Kristo Yesu. To ok waketo genowa kuom tim ringruok.

1 Johana 5:20

Wang’eyo bende ni Wuod Nyasaye osebiro, mi omiyowa rieko mondo wang’ego Nyasaye maradier. Wan kuom Jal maradier, ma en Yesu Kristo Wuod Nyasaye. En e Nyasaye maradier, kendo en e ngima ma nyaka chieng’.

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.