Jeremia 9:23 - MUMA MALER 2015

²³ “Ji mariek kik sungre nikech riekogi, joma rateke bende kik sungre nikech tekogi, kata joma omew kik sungre nikech mwandugi.

Motingʼo Loko Manyien

²³ Ma e gima Jehova Nyasaye wacho: “Kik ngʼama riek sungre gi riekone kata ngʼama tek sungre gi tekone, kata ngʼama omewo sungre gi mwandu mage,

Jeremia 9:23 ပူးပေါင်းရင်းမြစ်များ

Ayub 32:13

Koro ere kaka unyalo wacho ni usefwenyo rieko? Nyasaye ema nyaka dwok weche Ayub, nikech dwokogo osetamou.

Ayub 41:15

Dier ng’eye olos gi sare, moriedo machalo okumbni motue kanyakla, kendo matek ka lwanda.

Zaburi 33:5

Ohero gik makare, kendo ma adiera, bende herane mosiko opong’o piny.

Zaburi 34:3

Konyauru hulo duong’ mar Ruoth Nyasaye. Adier! Wapakuru nyinge kaachiel!

Zaburi 44:9

To koro, yaye Nyasaye, isedagiwa, mi imiyo wasikwa oloyowa. Ndalogi ok idhi gi jolwenjwa e lweny.

Zaburi 62:10

Kik uket genou kuom timbe mahundu, kendo kik ugen yudo gimoro e yor mecho. Kata ka mwandu omedore, to kik ugen kuomgi.

Ngeche 11:4

Chieng’ bura, to mwandu ok nyal konyi. Tim makare to nyalo geng’oni tho!

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Ngeche 3:5

Gen kuom Ruoth Nyasaye gi chunyi duto, to kik igen kuom riekoni iwuon.

Eklesiastes 2:19

To ere ng’ama ong’eyo ka ng’at ma biro luwano nobed mariek kata mofuwo? To kata bed ni oriek kata ofuwo, to pod nokaw akawa gimoro amora ma lucha gi riekona osekelo e pinyka. Mano bende en mana gima nono.

Eklesiastes 9:11

Gimoro machielo mane achako afwenyo en ni, e pinyni, jong’uech matek ok yomb e ng’uech pile, kendo joma thuondi ok lo lweny pile. Bende pile joma riek ok yud gima gikonyorego, kendo joma nigi paro pile ok bed jomwandu. Joma ong’eyo tich bende pile ok yud duong’ e tich. Kamano hawi marach mako ng’ato ang’ata.

Isaya 10:8

Owacho niya, “Donge jotenda duto gin ruodhi?

Isaya 20:5

Ji duto nogore nyang’eng’a ka geno ma gigenogo kuom jo-Ethiopia, kendo sunga ma gisungorego ni jo-Misri dikonygi, nolal nono.

Isaya 47:10

Ne iparo ni onge gima ditimi nikech timbeni mamonogo, mi iwacho niya, “Onge ng’ama nena.” To rieki mathoth ne owuondi, “An kenda ema antie. Onge ng’at moro machielo marom koda.”

Isaya 5:21

Yaye, unune malit, un joma paro e chunygi giwegi ni riek, kendo ma kwanore ni ong’eyo gik moko.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 48:14

“Un jo-Moab, ere gimomiyo uketoru ni un thuondi mosekedo e lwenje mager?

Jeremia 48:7

Ne ugeno kuom tekou gi mwanduu, to koro ibiro mako koda ka un, kendo Kemosh nyasachu ibiro ter e tuech, kaachiel gi jodonge kod jodolo mage.

Jeremia 49:4

Ere gima omiyo usungoru, un joma andhokegi, to tekou orumo? Ang’o momiyo uparo ni un rateke, kendo ni onge ng’ama dihedhre monjou?

Ezekiel 29:9

Piny Misri biro dong’ nono kokethore, eka ining’e ni an e Ruoth Nyasaye. “Kaka ne iwacho ni aora Nael en mari, kendo ni in ema ne ichueye,

Ezekiel 7:19

Giniwit dhahapgi kod fethgi e wang’yore, mana ka yugi, nikech dhahabu kata fedha ok nokonygi chieng’ mirimb Nyasaye. Adier, mwandugo ok nonegnigi kech, bende ok noyieng’gi, nimar mwandugo ema ne oterogi e richo.

Daniel 3:15

Koro sani ka uwinjo tung’ gi thum nyatiti gi asili kod thumbe mamoko ka ywak, to nyaka ukulru piny kendo ulam kidono. To kudagi timo kamano, to ibiro witu e mach makakni, piyopiyo ma ok odeko. Koso uparo ni nitie Nyasaye moro manyalo resou?”

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Mika 6:8

To, in dhano, Ruoth Nyasaye osenyisi yo maber monego iluw. Odwaro mondo itim gik makare, kendo iher ji gi ng’wono, bende iluor Ruoth Nyasachi gi chunyi mamuol.

Zefania 1:18

Fethgi kata dhahapgi ok noresgi.” Chieng’ ma Ruoth Nyasaye ng’adoe bura, nyiego mager ma en-go nowang’ piny duto, mi tiek pep. Kamano enotiek gik moko duto modak e piny mana ka diemo wang’.

Mariko 10:24

Jopuonjrene ne ohum nono gi wechego, to Yesu nomedo wachonigi ni, “Nyithinda, mano kaka donjo e piny Ruoth Nyasaye tek!

Jo-Rumi 1:22

Giwacho ni giriek, to gin mana joma ofuwo.

1 Jo-Korintho 1:31

Mano emomiyo, “Ng’at madwaro sungore to mondo osungre mana nikech gik ma Ruoth osetimo,” mana kaka Muma wacho.

Rapar mar Chik 8:17

Emomiyo kik uwach ni tekou gi riekou ema osemiyo uyudo mwandugo,

Jo-Filipi 3:10

Gima adwaro moloyo en mana ng’eyo Kristo kod teko miyudo kuom chierne. Adwaro riwora kode e sandne, kendo doko machal kode e thone,

Jo-Filipi 3:8

To moloyo mano, akwano gik moko duto ka gik manono, nimar gueth maduong’ mar ng’eyo Kristo Ruodha Yesu ohewo gimoro amora. Adier, ne aweyo gik moko duto olalna nikech en. Akwanogi duto mana ka yugi miwito oko, mondo ayud Kristo kaka pokna,

1 Timotheo 6:10

nimar hero pesa e chakruok mar kit richo duto. Jomoko osegombo mondo oyud pesa mathoth, kendo mano osemiyo gibaro giweyo yie marwa, mi gichwowo mana chunygi giwegi gi chandruok mathoth.

1 Samuel 17:42

Kane oneno Daudi, nojare, nikech ne en mana wuowi moa, ma silwal, kendo ma jaber.