Jeremia 9:22 - MUMA MALER 2015

²² Ruoth Nyasaye wacho niya, “Ringre joma otho biro dhurore pidhe mana ka owuoyo mool e puothe. Ginichal gi cham ma jokeyo osebeto, to pok ochoki.

Motingʼo Loko Manyien

²² Wach niya, “Ma e gima Jehova Nyasaye owacho: “ ‘Ringre joma otho nopie ka owuoyo e pap alanga, kaka cham mokaa gi jakeyo, maonge ngʼama nyalo chokogi.’ ”

Jeremia 9:22 ပူးပေါင်းရင်းမြစ်များ

2 Ruodhi 20:13

Hezekia norwako jootego, monyisogi mwandune duto mane nie ode mar keno, kaka fedha gi dhahabu gi gik mang’ue ng’ar, gi mo ma nengone tek, kod gige mag lweny, kaachiel gi gik moko duto mane ni kuonde kenone. Onge gimoro amora e ode kata e pinye mane ok onyisogi.

2 Ruodhi 20:15

Isaya nomedo penje niya, “To ang’o ma gineno e odi?” Hezekia nodwoke ni, “Giseneno gik moko duto manie oda. Onge gimoro amora modong’ mak anyisogi e kuonde kenona.”

2 Ruodhi 9:37

kendo ringre nochal kaka owuoyo moyar e puothe mag Jezreel, ma onge ng’ato ma nong’e ni, ma e Jezebel.’ ”

Ayub 5:13

kendo omako jorieko gi riekogi giwegi, kamano gimoro amora ma gichano kethore.

Zaburi 49:7

To ng’ato ok nyal warore owuon, bende ok onyal chulo Nyasaye gima dowargo ngimane,

Zaburi 83:10

Ne oneggi Endor, mi ringregi odong’ katop kuno,

Ngeche 18:11

Jamoko paro ni mwandune en ohinga mogeng’orego.

Ngeche 23:4

Kik iwe tich bari ndasi ni eka iyud mwandu mang’eny,

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Jeremia 16:4

Tuoche maricho biro negogi, to onge ng’ama noywaggi, bende ok noyikgi. Ginidhurre pidhe pidhe mana ka owuoyo miolo e puothe. Moko notho e lweny to moko kech nonegi, kendo winy gi ondiegi nocham ringrergi.

Jeremia 25:33

Chieng’no ringre joma Ruoth Nyasaye onego nokere, chakre tung’ piny konchiel nyaka komachielo, kendo onge ng’ama noywaggi. Ok nokaw ringregi mondo oyiki, to gining’ielre ang’iela e lowo ka owuoyo miolo e puothe.

Jeremia 6:21

Kuom mano, Ruoth Nyasaye owacho kama: “Anami jogi chwanyre, mi podhi. Wuone gi yawuowi biro tho, kaachiel gi osiepegi kod joma odak machiegni kodgi.”

Jeremia 7:33

Winy gi le mae thim ema nocham ringre joma otho, kendo ng’ato ok nobedie ma diriembgi.

Jeremia 8:2

Chokego nowit oko mondo chieng’ gi due kod sulue, mane gihero kendo gilamo, orieny kuomgi. Kar chokogi mondo oyikgi, to nowegi aweya gitow ewi lowo.

Habakuk 1:11

Bang’e gikadho piyopiyo mana ka yamo, ka gidhi kamoro machielo. To kata kamano gin joketho nikech gikwano tekregi giwegi ka nyasachgi.”

Zefania 1:17

Ruoth Nyasaye owacho niya, “Abiro kelo ni ji thagruok malich, kendo ginituomre atuoma ka muofni, nikech richo ma gisetimo e nyima. Rembgi nochuer ka pi, kendo ringregi noriere, ka tow e lowo.

Rapar mar Chik 8:17

Emomiyo kik uwach ni tekou gi riekou ema osemiyo uyudo mwandugo,