Jeremia 9:19 - MUMA MALER 2015

¹⁹ Winjuru ywak maywagore Sayun, ‘Waserumo chuth, kendo waseyudo wichkuot miwuoro. Osedarwa e pinywa, kendo miechwa osekethi.’ ”

Motingʼo Loko Manyien

¹⁹ Koko mar dengo iwinjo koa Sayun: ‘Mano kaka otiekowa! Mano kaka wichkuot marwa duongʼ! Nyaka waa e pinywa nikech utewa osemuki.’ ”

Jeremia 9:19 ပူးပေါင်းရင်းမြစ်များ

Isaya 32:9

Un mon modak e ngima maber, auru malo mondo uwinj gima awacho! Un nyiri ma ok dew gimoro.

Jeremia 15:1

Ruoth Nyasaye nowachona niya, “Kata da bed ni Musa gi Samuel ema jochung’ e nyima ka, to ok anyal weyo ni jogi richogi. Wachnigi mondo gia e wang’a.

Jeremia 2:14

“Jo-Israel ok gin wasumbni, bende ne ok onywolgi wasumbni. Kuom mano, ere gima omiyo wasikgi yakogi?

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

Jeremia 7:15

Abiro riembou mondo ua e wang’a mana kaka ne ariembo oweteu ma jo-Efarim duto te.

Jeremia 7:19

To iparo ni an Ruoth Nyasaye ema gichwanya? Ooyo, gin ema gichwanyore giwegi, kendo gikelo wichkuot kuomgi kendgi.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ywagruok 4:15

Ji ne goyonigi koko niya, “Dhiuru kucha! Dhiuru kucha, un joma ogak. Dhiuru kucha, kik ubi machiegni.” Kuom mano ne giringo piyopiyo mi gidhi, kendo gibayo e kind ogendini, ka ok ginyal nwang’o kuonde dak.

Ywagruok 5:2

Jopinje mamoko osekawo pinywa gi miechwa.

Ezekiel 27:2

“Wuod dhano, ywag Turo gi wend ywak.

Tim jo-Lawi 18:25

Mano e kaka pinyno nodoko mogak, mi ne akume nikech richogo, omiyo nong’ogo joma odakie oko.

Tim jo-Lawi 20:22

“Nyaka urit chikena gi buchena duto, kendo uluwgi, mi piny ma akelou mondo udagie kik ng’ogu oko.

Mika 2:10

Auru malo mondo udhi! Ka eri ok en kama onego uyuee. Ubiro rado gi masira.

Mika 2:4

Ka kindeno ochopo, to ji nogou ngero, ka wero wend ywak niya, ‘Otiekwa chuth! Ruoth Nyasaye osekawo pinywa, mi omiyo joma oketowa e tuech!’

Rapar mar Chik 28:29

Unubed kumulo godiechieng’, mana kaka muofu mulo, kendo ok nuchop kuma udwaro dhiyoe. Nothiru kendo noyaku e ngimau duto, kendo onge ng’at ma nokonyu.