Jeremia 9:17 - MUMA MALER 2015

¹⁷ Ruoth Nyasaye Manyalo Gik Moko Duto wacho niya, “Luonguru mon ma joywak. Ee, oruru wach mondo mon mong’eyo ywak obi.

Motingʼo Loko Manyien

¹⁷ Ma e gima Jehova Nyasaye Maratego wacho: “Parane! Luonguru mon madengo mondo obi; to moloyo mago man-gi lony mamalo e ywak.

Jeremia 9:17 ပူးပေါင်းရင်းမြစ်များ

2 Weche mag Ndalo 35:25

Jeremia bende nochuogo wend ywak ni Josia, kendo jower duto, machwo gi mamon, pod wero wendno nyaka chil kawuono. Gino oselokore tim jo-Israel kendo wendno ondik e Kitap Wende Ywak.

Ayub 3:8

Ajuoke mondo okuong’ odiechiengno. Ee, mana joma olony kuom golo chik ni Levayathan, mi winjgi, ema mondo okuong’e!

Eklesiastes 12:5

Un ubed kuluoro idho kuonde moting’ore, kendo wuoth nobednu lweny. Bende yie wiu nolokre lwar, kendo tekreu mar nyodo norum chuth, ma ok nyal duogo. Koro wadhi e dalawa mosiko nyaka chieng’, kendo ji biro ywagowa e wang’yore.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Ezekiel 27:2

“Wuod dhano, ywag Turo gi wend ywak.

Ezekiel 32:16

Wendni en wend ywak ma mond pinje mamoko noywaggo Misri kod joge duto. An Ruoth Nyasaye ema awacho kamano.”

Amos 5:1

Chikuru itu un jo-Israel mondo uwinj wend ywak ma achuogonu.

Mika 2:4

Ka kindeno ochopo, to ji nogou ngero, ka wero wend ywak niya, ‘Otiekwa chuth! Ruoth Nyasaye osekawo pinywa, mi omiyo joma oketowa e tuech!’

Mathayo 9:23

Kane Yesu ochopo e od jaduong’no noyudo ji ka goyo asili, kendo ywak malit.

Mariko 5:38

Ne gichopo e od jaduong’ od lemo, mi Yesu noyudo ka ji kok kendo ywak, ka goyo nduru malich.