Jeremia 9:16 - MUMA MALER 2015

¹⁶ Abiro keyogi e kind ogendini ma ok ging’eyo, kendo ma kata kweregi bende ne ok ong’eyo. Bende abiro kelonigi wasigu mondo omonjgi nyaka chop atiekgi chuth.”

Motingʼo Loko Manyien

¹⁶ Anakegi e dier ogendini ma gin kata wuonegi ok ongʼeyo, kendo analawgi gi ligangla manyaka atiekgi.”

Jeremia 9:16 ပူးပေါင်းရင်းမြစ်များ

Nehemia 1:8

To yie ipar gima ninyise, kiwacho niya, ‘Kuketho chikna, to anakeu e kind ogendini.

Zaburi 106:27

kendo obiro keyo nyikwagi e kind ogendini mamoko nono, komiyo githo e pinje jogo.

Eklesiastes 12:5

Un ubed kuluoro idho kuonde moting’ore, kendo wuoth nobednu lweny. Bende yie wiu nolokre lwar, kendo tekreu mar nyodo norum chuth, ma ok nyal duogo. Koro wadhi e dalawa mosiko nyaka chieng’, kendo ji biro ywagowa e wang’yore.

Jeremia 13:24

Ruoth Nyasaye biro keyou ka mihudhi ma yamo mager moa e thim keyo.

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 29:17

Ruoth Nyasaye Manyalo Gik Moko Duto wacho niya, ‘Abiro kelo lweny gi kech gi tuoche kuomgi, kendo abiro miyo gichal ka ng’owo motop ma ok nyal cham.

Jeremia 44:27

Abiro neno ni ok gidhi nyime maber, to anang’igi gi wang’ marach. Un jo-Juda duto modak e piny Misri, lweny kata tuoche biro negou nyaka urum pep, maonge kata ng’at achiel modong’.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Jeremia 8:19

Ling’uru ane, awinjo ka joga ywak kuonde duto ma gintie, ka gipenjo niya, ‘Ruoth Nyasaye oseweyo Sayun koso? Ruodh Sayun onge kuno adier?’ To Ruoth Nyasaye ma ruodhgi dwoko niya, ‘Ere gima omiyo usemiya mirima kuom lamo nyiseche mag pinje mamoko?’ ”

Ezekiel 11:17

Kuom mano, nyisgi ni an Ruoth Nyasaye awacho ni abiro chokogi kagologi e pinje mane akeyogie, kendo abiro dwokonigi piny Israel.

Ezekiel 12:15

“Ka asekeyogi e kind ogendini kendo e pinje man maboyo kamano, eka gining’e ni an e Ruoth Nyasaye.

Ezekiel 14:17

“Ka akelo lweny mager e piny, motieko ji kod jamni machalre,

Ezekiel 20:23

To ne achako akuong’ora e thim ni anakegi e kind ogendini mopogore opogore e piny ngima.

Ezekiel 27:2

“Wuod dhano, ywag Turo gi wend ywak.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Ezekiel 5:2

Ka kinde migoyoe ageng’a oserumo, to nyaka iwang’ achiel kuom adek mar yiergo ewi matafari mochung’ kar Jerusalemno. To achiel kuom adek machielo, ng’adi gi ligangla e alwora mar matafarino. Achiel kuom adek modong’ to witi mondo yamo odhigo, nikech anawuodh liganglana alawgo joga.

Tim jo-Lawi 26:33

Anakeu e kind ogendini, kendo nakel lweny kuomu mi pinyu nodong’ gunda, kendo miechu nokethre chuth.

Amos 5:16

Kuom mano, Ruoth Nyasaye Manyalo Gik Moko Duto wacho kama: “Ywak biro bet e yore duto mag dala, kendo kuonde duto ji nobed kaywakie, ma kata mana jopur noluong mondo oywagi kaachiel gi joma ong’eyo wende ywak.

Mika 2:4

Ka kindeno ochopo, to ji nogou ngero, ka wero wend ywak niya, ‘Otiekwa chuth! Ruoth Nyasaye osekawo pinywa, mi omiyo joma oketowa e tuech!’

Zekaria 7:14

mi ariembogi kakeyogi e kind ogendini ma ok ging’eyo, ka giweyo pinygi kokethore, ma onge ng’ama luwo.’ Kamano ne gimiyo pinygi maberno olokore thim.”

Rapar mar Chik 28:25

Ruoth Nyasaye noketu e lwet wasiku, mi ginilou. Unurad kodgi ka un oganda achiel, to unuringi kuke e sidienje abiriyo, mi unubed joma pinje duto wuoro.

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.

Rapar mar Chik 32:26

Naparo ni mondo ang’adgi matindotindo, kendo atiekgi ma ok nochak opargi.

Rapar mar Chik 4:27

Ruoth Nyasaye noriembu, kendo nokeu e kind ogendini mamoko, mi nudong’ ji manok e kindgi.

Jakobo 1:1

An Jakobo, misumba Nyasaye kod Ruoth Yesu Kristo, amoso jo-Nyasaye duto ma oseke e piny ngima.