Jeremia 9:15 - MUMA MALER 2015

¹⁵ Kuom mano, winji gima abiro timo, an Ruoth Nyasaye Manyalo Gik Moko Duto kendo ma Nyasach Israel. Abiro miyo joga alode makech mondo ocham, kod pi motimo kwiri mondo gimodhi.

Motingʼo Loko Manyien

¹⁵ Emomiyo, ma e gima Jehova Nyasaye Maratego ma Nyasach Israel, wacho: “Ne, anami jogi cham chiemo makech kendo modh pi sum.

Jeremia 9:15 ပူးပေါင်းရင်းမြစ်များ

Zaburi 60:3

Isemiyo jogi oneno thagruok mang’eny miwuoro! Adier, isemiyo wakwang’ ka joma omadho kong’o makech!

Zaburi 69:21

Kane kech kaya, to ne gimiya mana kwiri mondo acham, kendo kane riyo oloya, to ne gimiya mana kong andwayo mondo amadhi.

Zaburi 75:8

Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

Zaburi 80:5

Isemiyowa pi wang’ mondo obed chiembwa. Adier, isemiyowa agwata maduong’ ma pi wang’ opong’o, mondo wamodhi.

Isaya 2:17

Duong’ duto ma dhano nigo noduog piny. Sunga mar dhano bende noruchre e buru.

Isaya 2:22

Kik iket genoni kuom dhano, nimar onge gima dhano nyalo. En gima nono mana ka muya mawuok e ume!

Jeremia 23:15

Kuom mano, an Ruoth Nyasaye Manyalo Gik Moko Duto, awuoyo kuom jonabi mag Jerusalem, ni abiro miyogi alode makech mondo gicham, kod pi motimo kwiri mondo gimodhi, nikech giselando weche makwedo Nyasaye e pinygi duto.”

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 25:15

Ruoth Nyasaye ma Nyasach Israel nowacho niya, “Ma e kikombe mopong’ gi mirimba. Kawe mondo imi ogendini duto ma aori irgi omadhe.

Jeremia 44:27

Abiro neno ni ok gidhi nyime maber, to anang’igi gi wang’ marach. Un jo-Juda duto modak e piny Misri, lweny kata tuoche biro negou nyaka urum pep, maonge kata ng’at achiel modong’.

Jeremia 49:37

Anami jo-Elam bed moluoro wasikgi ma dwaro negogi. Anatiekgi gi mirimba mager, kendo anaor ogendini mag lweny kuomgi nyaka chop girum chuth. An Ruoth Nyasaye ema awacho kamano.

Jeremia 8:14

Jo-Nyasaye penjore niya, “Ere gimomiyo wabet abeta? Biuru wadhi e mier mochiel motegno wathoe, nimar Ruoth Nyasaye oseng’adonwa buch tho. Osemiyowa pi motimo kwiri mondo wamodhi, nikech timbewa osebedo maricho e nyime.

Ywagruok 3:15

Osemiyo lit gi olo opong’o chunya.

Ywagruok 3:19

Ka aparo thagruok kod kuyo ma an-go, to litna malich.

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.

Ezekiel 5:2

Ka kinde migoyoe ageng’a oserumo, to nyaka iwang’ achiel kuom adek mar yiergo ewi matafari mochung’ kar Jerusalemno. To achiel kuom adek machielo, ng’adi gi ligangla e alwora mar matafarino. Achiel kuom adek modong’ to witi mondo yamo odhigo, nikech anawuodh liganglana alawgo joga.

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

Rapar mar Chik 29:18

Kapo ni nitie ng’ato kuomu ma dichwo kata ma dhako, kata ka nitie joot kata dhoot moro madwaro weyo lamo Ruoth Nyasaye ma Nyasachwa, mondo odhi olam nyiseche mag ogendini mamoko, to mano nyalo bedone chakruok mar masira gi lit.

Fweny 8:11

Nying sulueno en ‘Gima kech’. Bath pi moromo achiel kuom adek nolokore makech, mi ji mang’eny otho nikech pigego nolokore makech.