Jeremia 9:12 - MUMA MALER 2015

¹² Jeremia nopenjo Ruoth Nyasaye niya, “Ere gimomiyo piny okethore kendo otwo, ka piny motimo ongoro ma onge ng’ama wuothoe? Ere ng’ama riek manyalo winjo tiend wachni? Koso en ng’a ma isenyiso tiende mondo onyis joma moko?”

Motingʼo Loko Manyien

¹² En ngʼa mariek manyalo winjo tiend ma? En ngʼa mosetiegi gi Jehova Nyasaye kendo nyalo lero tiende? Angʼo momiyo piny osekethi modongʼ nono ka kama otwo maonge ngʼama nyalo luwo?

Jeremia 9:12 ပူးပေါင်းရင်းမြစ်များ

Zaburi 107:34

Piny momew bende omiyo lokore piny motimo kado ma ok nyal pur.

Zaburi 107:43

Joma riek onego onon wechegi, mondo opar hera mosiko mar Nyasaye.

Isaya 42:23

Un joma nyalo winjo wach, chikuru itu uwinji. Ee, chakre kawuono, chikuru itu.

Jeremia 23:10

Joma oseweyo Ruoth Nyasaye opong’o piny. Timbegi richo, kendo gikonyore gi tekogi e yo marach. Piny ywak kendo lege otwo nikech osekuong’gi.

Jeremia 23:16

Ruoth Nyasaye Manyalo Gik Moko Duto wacho ji jo-Jerusalem niya, “Kik uwinj gima jonabi wachonu, nikech gimiyo ugeno kuom gik ma ok bi timore. Ginyisou gik ma giparo apara giwegi, to ok gik ma an ema awacho.

Jeremia 23:22

Ka dine ging’e parona mopondo, to dine gilando wachna ni joga mondo owe yoregi gi timbegi maricho.

Jeremia 23:28

Janabi ma oseleko lek, onego owach ni en mana lek, to janabi moseyudo wachna onego ohul wachnano kare. Koso mihudhi gi cham yande chalre?

Jeremia 9:20

Jeremia nowacho niya, “Un mon, chikuru itu ni gima Ruoth Nyasaye owacho, mondo uwinj wachne. Puonjuru nyiu gi osiepeu wende ywak.

Ezekiel 14:23

Bende ka uneno kaka richogi chalo, to unuyie, mi ung’e ni kara ne akumogi mana e wang’e. An Ruoth Nyasaye ema awacho kamano.”

Hosea 14:9

Joma riek mondo owinj weche mondik ka, kendo girwakgi e chunygi. Yore mag Ruoth Nyasaye oriere tir, kendo joma kare luwogi, to joricho chwanyore kendo podho nikech ok giluwgi.

Hosea 4:10

Ka gichiemo, to ok giniyieng’. Gilamo nyasach nyodo, to kata kamano ok ginywol nyithindo, nikech giseweya, kendo gilamo nyiseche mamoko.

Joel 1:11

Ywaguru un jopur, nikech ngano gi shairi kod cham duto okethore. Un joma rito puothe mzabibu, ywaguru, nikech yiend mzabibu kod yiend ng’owo osener.

Zefania 3:6

Ruoth Nyasaye wacho kama: “Aseyweyo ogendini ka yuech, kendo ohingni ma gigeng’orego okethore chuth. Asemiyo wang’yoregi olokore thim ma onge ng’ama luwo. Miechgi bende okethore, kendo odong’ nono ma onge joma odakie.

Mathayo 24:15

“Ka uneno Gima Kuero Makelo Kethruok, mane janabi Daniel owuoyo kuome, kochung’ e Hekalu,

Rapar mar Chik 32:29

Ka dine giriek, to dine ging’eyo tiend gik matimore, dine ging’eyo gima biro timorenigi e giko.

Fweny 1:3

Ng’at masomo kitabuni kod joma winjo weche mokorgi, kendo momako gik mondikie, gin johawi, nikech ndalo ma gigi biro timoree chiegni.