Jeremia 8:19 - MUMA MALER 2015

¹⁹ Ling’uru ane, awinjo ka joga ywak kuonde duto ma gintie, ka gipenjo niya, ‘Ruoth Nyasaye oseweyo Sayun koso? Ruodh Sayun onge kuno adier?’ To Ruoth Nyasaye ma ruodhgi dwoko niya, ‘Ere gima omiyo usemiya mirima kuom lamo nyiseche mag pinje mamoko?’ ”

Motingʼo Loko Manyien

¹⁹ Winj ywak joga koa e piny man mabor: “Donge Jehova Nyasaye ni Sayun? Ruodhe bende pod ni kuno adier?” “Angʼo momiyo gisemiya ich wangʼ gigigo ma giloso, kod nyisechegi mag pinje mamoko?”

Jeremia 8:19 ပူးပေါင်းရင်းမြစ်များ

Zaburi 135:21

Pakuru Ruoth Nyasaye Sayun. Ee, dendeuru e dalane Jerusalem. Yaye, pakuru Ruoth Nyasaye!

Zaburi 137:1

Ne wabet piny e bath aore mag Babulon, mi waywak ka waparo Sayun.

Zaburi 146:10

Ruoth Nyasaye nobed ruoth nyaka chieng’. A Sayun, Nyasachi nobed gi loch mochwere. Pakuru Ruoth Nyasaye!

Zaburi 149:2

A Israel, bed mamor nikech jachuechni. Ee, beduru gi ilo, un jo-Sayun, nikech Ruodhu.

Zaburi 31:6

Imon gi joma lamo nyiseche ma nono, an to ageno kuomi.

Isaya 1:4

A yaye oganda ma joricho ma opong’ gi timbe mamono, kendo ma joge joketho ma acheje! Useweyo Ruoth Nyasaye, Ng’ama Ler mar Israel kuchaye kendo ulokone ng’eu.

Isaya 12:6

Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”

Isaya 13:5

Gia e piny mabor, manie tung’ piny mogik. Ruoth Nyasaye ema kelo jogo kaka gige mag lweny mondo okethgo piny gi mirimbe mager.

Isaya 33:22

nimar Ruoth Nyasaye en jang’adnwa bura. En e ruodhwa, ma ketonwa chik, kendo en ema noreswa.

Isaya 39:3

To bang’e janabi Isaya nobiro ir ruoth Hezekia, mopenjee niya, “Jogi oa kanye? To wach ang’o mokelogi?” Hezekia nodwoke ni, “Gia e piny Babulon, kuma bor.”

Isaya 52:1

A malo! A malo, mondo ibed motegno, in dala Sayun. Rwak lepi mabeyoe moloyo, yaye Jerusalem, dala maler, nimar chakre kawuono, joma ok oter nyangu, kaachiel gi joma ogak, ok nochak odonj kuomi.

Jeremia 10:15

Gin gik manono moromo chayo, kendo gibiro rumo, chieng’ ma Ruoth Nyasaye biro mondo otiekgi.

Jeremia 14:19

“A Ruoth Nyasaye iseweyo jo-Juda chuth koso? Adier, ichayo jo-Sayun? Ere gimomiyo isehinyowa malit kamano, ma ok wanyal chango? Ne wageno ni wabiro yudo gik mabeyo, to onge gima ber mane wayudo. Ne waparo ni ibiro changowa, to masira malit ema nopoyowa.

Jeremia 14:9

Ere gima omiyo ichalo gi ng’at mobwok kata ka jalweny ma onge gi teko ma dokonygo ng’ato? Adier, in Ruoth Nyasaye in kodwa, kendo wan jogi, omiyo kik iwitwa.’ ”

Jeremia 2:5

Ruoth Nyasaye owacho niya, “Ang’o marach mane kwereu oneno kuoma, mane omiyo giweya? Ne gilamo nyiseche manono, mi gin bende gidoko joma nono.

Jeremia 27:10

to giwuondou, kendo gibiro miyo teru mabor gi pinyu. Anariembu oko, mi urum pep.

Jeremia 31:6

Adier, kinde biro ma jorito noluong ji gie gode mag Efraim niya, ‘Biuru wadhi Sayun ir Ruoth Nyasachwa!’

Jeremia 32:30

Jo-Israel gi jo-Juda osebet mana ka timo gik ma amon-go, chakre tindogi, kendo gisemiya mirima gi kido manono ma giseloso.

Jeremia 7:19

To iparo ni an Ruoth Nyasaye ema gichwanya? Ooyo, gin ema gichwanyore giwegi, kendo gikelo wichkuot kuomgi kendgi.

Jeremia 8:20

Ji ywak kawacho niya, “Ndalo keyo osekadho mak wayudo gima dwaresrego.”

Jeremia 9:16

Abiro keyogi e kind ogendini ma ok ging’eyo, kendo ma kata kweregi bende ne ok ong’eyo. Bende abiro kelonigi wasigu mondo omonjgi nyaka chop atiekgi chuth.”

Ezekiel 48:35

Kamano bor ohingano duto nobed mita alufu ochiko. To nying dalano mosiko nobed, ‘Ruoth Nyasaye ni ka.’

Joel 2:32

Chakre kanyo ng’ato ka ng’ato moluongo nying Ruoth Nyasaye noresi. Jomoko modak e got Sayun notony kuno. Ee, jomoko notony Jerusalem, mana kaka Ruoth Nyasaye osewacho. Joma Ruoth Nyasaye oluongo nobed mangima.”

Obadia 1:17

“To jomoko modak e got Sayun biroo tony kuno, mi kanyono nobed kama ler, kendo joka Jakobo nokaw piny ma margi giwegi.

Mika 4:9

Ere gima omiyo iywak matek? Ionge gi ruoth koso? Koso ionge gi joma ding’adni rieko, momiyo rem chami malit ka dhako ma muoch kayo?.

Zefania 3:15

nimar Ruoth Nyasaye oseriembo wasiku, motero kuma bor. Ruoth Nyasaye ma Ruodh Israel nie kindu, omiyo ok unuchak uluor masira.

Zekaria 2:9

“Abiro goyogi, mi uyakgi, un joma ne tiyonigi.” Kamano unung’e ni Ruoth Nyasaye Manyalo Gik Moko Duto ema ne oora.

Tich Joote 14:15

ka gikok ni, “Yawa, ang’o momiyo utimo kamano? Wan mana ji ka un, to gima watimo en mana landonu Wach Maber, mondo uwe timbe manonogi, ulokru ir Nyasaye Mangima, ma ochueyo polo gi piny kod nam, kaachiel gi gik moko duto manie i gi.

Rapar mar Chik 31:17

Kuom mano, mirimba mager noliel kuomgi ka mach mi notiekgi. Anawegi, kendo ok nakwan-gi ka joga, mi ginithagre malit, kendo ginine masiche madongo. Eka bang’e giniwach niya, ‘Thagruokgi osebironwa mana nikech Nyasachwa koro ok ni kodwa.’

Fweny 2:1

“Ndik ni malaika mar kanyakla mar jo-Kristo man Efeso kama: “ ‘Weche mag Jal man gi sulue abiriyo e lwete ma korachwich, kendo ma wuotho e kind teyni abiriyo mag dhahabu e magi: