Jeremia 8:17 - MUMA MALER 2015

¹⁷ Ruoth Nyasaye owacho niya, “Ng’euru ni abiro kelo thuonde mager kuomu. Gin thuonde man gi kwiri maricho, ma ok nyal bo, omiyo gibiro kayou.”

Motingʼo Loko Manyien

¹⁷ “Ne, anaor thuol man-gi kwiri e dieru, thuonde mager ma ok bo, kendo gini kau.” Jehova Nyasaye owacho.

Jeremia 8:17 ပူးပေါင်းရင်းမြစ်များ

Zaburi 58:6

A Ruoth Nyasaye, muk lekegi. Ee, tur leke sibuoche magergi!

Eklesiastes 10:11

Ka thuol okayi ka pok iboye, to onge ohala ma iyudo kuom ng’eyo boyo thuonde!

Isaya 14:29

Yaye un jo Filistia kata obedo ni luth mane goyou osetur kamano, to kik ubed mamor, nimar nyathi thuol nobed mager moloyo wuon, kendo nobed ndemu man gi kwiri marach!

Amos 5:19

Unuchal mana gi ng’at ma sibuor riembo, to romo gi ondiek, kata machal gi ng’at modonjo e ot, kendo oyiengo lwete e kor ot, mi thuol okayo!

Amos 9:3

Ka gipondo ewi got Karmel, to nadwargi nyaka amakgi. Ka gipondona e bwo pi matut, to anachik thuol mondo okagi kuro.

Kwan 21:6

Eka Ruoth Nyasaye nooro thuonde man gi kwiri mager, mokayo jo-Israel kendo onego ji mang’eny.

Rapar mar Chik 32:24

mi kech nokagi, kendo midhusi notuogi, kendo tuoche maricho nogogi, bende naol kuomgi ondiegi mangemo, kod thuonde man gi kwiri mager.

Fweny 9:19

nimar teko mane faresergo nigo ne nie dhogi kendo e wigi. Iwgi, mane nigi wigi, ne chalo gi thuonde, kendo iwgigo ema ne gihinyogo ji.