Jeremia 8:13 - MUMA MALER 2015

¹³ “Abiro tieko joga chutho, nikech gichalo yiend mzabibu kata ng’owo maonge olemo, ma kata potgi bende osener.”

Motingʼo Loko Manyien

¹³ “ ‘Anakaw nyak mag-gi. Onge olemo manobedi e mzabibu. Onge olemb ngʼowu manobedi ewi yath, kendo itgi noner. Gima asemiyogi nomagi.’ ” An Jehova Nyasaye ema asewacho kamano.

Jeremia 8:13 ပူးပေါင်းရင်းမြစ်များ

Isaya 5:10

Bende puodho maduong’ nonyag mana mzabibu moromo divai matin nono, kendo kodhi moromo depe ariyo nonyag cham moromo mana ondweto kende.

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 14:15

An Ruoth Nyasaye anyisi gima abiro timo ni jonabi mane ok aorogo. Giwuoyo gi nyinga ka giwacho ni lweny kod kech ok bi mako pinyni, to adier, kech gi lweny ema abiro negogigo.

Jeremia 17:8

nimar ochalo gi yath mopidh but aora, matero tiendene kochomo pi. Onge gima thage, kata ndalo oro, ma chieng’ rienyie mager, nikech pote osiko ka ng’ich ang’icha. Ok odew kata ka koth ok chue, to osiko konyago anyaga olemo.

Jeremia 5:17

Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Ezekiel 22:31

Kuom mano, abiro tiekogi pep, ka an gi mirima mager ka mach, kakumogi maromre gi timbegi. An Ruoth Nyasaye ema awacho kamano.”

Hosea 2:12

Anaketh yiende mag mzabibu gi ng’opene, ma owacho ni gin chudo mane chodene omiye. Anami yiende mag mzabibu kod yiende mamoko lokre bungu, kendo le ma e thim nokethgi.

Joel 1:7

Giseketho yiendwa mag mzabibu, kendo giselwaro it ng’opewa. Gisechamo opoko chuth, mi bede odong’ ka rachere.

Tim jo-Lawi 26:20

Unuketh tekreu nono kuchwoyo, nimar chambu ok nochiegi, kata mana yiendu bende ok nonyag olembe.

Habakuk 3:17

Kata obedo ni ng’owo ok thiew, kendo mzabibu gi zeituni ok nyagi, bende puothe ok chieg cham, kendo rombe gi dhok onge dala,

Hagai 1:11

Asehono oro mondo otwo piny kaachiel gi gode, mi cham gi mzabibu kod zeituni, gi gik moko duto ma piny nyago, ner, mondo kech omak dhano gi jamni kendo oketh tije duto ma dhano oloso.’ ”

Hagai 2:17

Ne aketho chambu duto gi dera marach kod pe, to kata kamano ne ok uduogo ira. An Ruoth Nyasaye ema awacho kamano.”

Malaki 3:11

Ok nawe kute keth chambu, kendo yiendu mag mzabibu nonyag olembe mang’eny.

Mathayo 21:19

Noneno ng’owo moro e bath yo, to kane osudo bute machiegni, ne ok oyudo olemo kuome, to mak mana pote kende. Omiyo nowacho ni yadhno niya, “Kik ichak inyag olemo kendo nyaka chieng!” Gikanyono ng’owono notwo.

Jakobo 1:11

Ka chieng’ owuok makech to wang’o maua kendo thiepene lwar piny, bang’e kite maber lal nono. Kamano e kaka jamoko bende biro lal nono mana ka tiyo tichne.