Jeremia 7:30 - MUMA MALER 2015

³⁰ “Jo-Juda osetimo gima rach e nyima. Giseketo nyisechegi makuero e Hekalu mara, mi gidwanyo. An Ruoth Nyasaye ema awacho kamano.

Motingʼo Loko Manyien

³⁰ “ ‘Jehova Nyasaye wacho ni jo-Juda osetimo timbe maricho e nyima. Giseketo nyisechegi manono e ot ma Nyinga nitiere kendo gisenjawe.

Jeremia 7:30 ပူးပေါင်းရင်းမြစ်များ

2 Ruodhi 21:3

Nochako oloso hembko mane ni kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo siro milamo miluongo ni Ashera, kaka Ahab ruodh Israel notimo, bende nolamo sulue duto, kotiyonigi.

2 Ruodhi 21:4

Nogero kende mag liswa e Hekalu mane Ruoth Nyasaye osewuoyo kuome niya, “Jerusalem ema naketie nyinga.”

2 Ruodhi 21:7

Siro milamo mane oseloso, nochungo ei Hekalu, to Ruoth Nyasaye nosewuoyo kuom Hekaluno, kawacho ni Daudi gi Solomon wuod Daudi niya, “Aseyiero Hekaluni gi Jerusalem kuom dhoudi duto mag Israel mondo nyinga obedie nyaka chieng’.

2 Ruodhi 23:12

Nomuko kende-mag-misango mane nie wi gorofa mar od Ahaz, mane ruodhi mag Juda oloso e laru ariyo mag od Ruoth Nyasaye. Notoyogi matindotindo, mopuko ng’injogi e aora Kidron.

2 Weche mag Ndalo 33:15

Nogolo nyiseche manono kaachiel gi kido mar nyasaye manono mane nie Od Ruoth Nyasaye, kendo nomuko kende-mag-liswa duto ma noseloso e god Hekalu kendo Jerusalem, mi nowitogi oko.

2 Weche mag Ndalo 33:3

Nochako oloso hembko man kuonde moting’ore mane Hezekia wuon mare oseketho, kendo nogero kuonde liswa ni Baal. Nochungo sirni milamo, kendo nolamo sulue duto kotiyonigi.

2 Weche mag Ndalo 33:7

Kido mar nyasaye manono ma noseloso, noketo ei Hekalu. To Nyasaye nosewuoyo kuom Hekaluno, kowacho ni Daudi gi Solomon wuod Daudi niya, “Aseyiero Hekaluni gi Jerusalem kuom dhoudi duto mag Israel mondo nyinga obedie nyaka chieng’.

Isaya 66:4

e kaka an bende abiro yieronigi masiche mondo omakgi, ka akelo kuomgi gik ma giluoro, nimar ne alwongo, to onge ng’ama dwoka, kendo ne awuoyo, to onge ng’ama winja. To ne gitimo timbe mamono ma ok ayiego, eka giyiero mana gik ma adagi.”

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Jeremia 23:11

Ruoth Nyasaye wacho niya, “Timbe jonabi gi timbe jodolo ok ler. Asejukogi ka gitimo richo kata mana e Hekalu mara!

Jeremia 32:34

Giseketo kido mag nyisechegi makuero e Hakalu mara, mi gidwanyo,

Jeremia 32:35

kendo gisegero kende-mag-liswa ni Baal e holo Ben-hinom mondo giwang’ie yawuotgi gi nyigi ka liswa ni nyasaye miluongo ni Molek. To ne ok anyisogi mondo gitim kamano, bende ne ok aparo kata matin ni ginyalo timo gima kamano, mi gimi jo-Juda bed joricho.”

Ezekiel 7:20

Ne gisungore gi kite ma nengogi tek, mane gilosogo nyiseche manono makuero. Mano ema omiyo Ruoth Nyasaye nomiyo mwandugi othing’ogi.

Ezekiel 8:3

Ne orieyo gima chalo gi lwedo, mi omaka gi yie wiya. E fwenyno. Roho noting’a malo e kor polo, mi otera Jerusalem, moketa piny e dhoranga laru maiye mar Hekalu mochomo yo nyandwat, kuma nitie nyasaye manono ma Nyasaye mon-go.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Daniel 9:27

Jatelono nolos winjruok motegno gi ji mang’eny kuom higni abiriyo, kendo nomi ji owe timo misengni kendo owe kelo chiwo kuom higni adek gi nus. Gima kuero makelo kethruok nobed ewi osuri mar Hekalu nyaka ng’at mane okete kanyo chopi e giko mane Nyasaye oketone.”