Jeremia 7:27 - MUMA MALER 2015

²⁷ To in Jeremia, kata obedo ni inyisogi weche duto kamano, to ok giniwinj wachni, kendo kata obedo ni iluongogi, to ok giniyieni.

Motingʼo Loko Manyien

²⁷ “Ka inyisogi magi duto, ok giniwinji; ka iluongogi, ok gini miyi dwoko.

Jeremia 7:27 ပူးပေါင်းရင်းမြစ်များ

Isaya 50:2

Kuom mano, ere gima omiyo ne ok ayudo ng’ato, kane abiro iru? Koso kane aluongo, to ere gima omiyo ng’ato ne ok odwoka? Uparo ni bada chiek ma ok nyal warou, kata ni aonge gi teko ma daresugo? Ooyo, ka akok, to nam duono, bende aore lokore piny motwo, mi rech manie igi tho kendo dum marach nikech pi onge.

Isaya 65:12

aseng’adonu buch tho, kendo uduto ibiro negu, nikech ne aluongou, to ne ok udwoka, bende ne alosonu, to ne udagi winja. To ne utimo timbe mamono ma ok ayiego, kuyiero mana gik ma adagi.

Jeremia 1:19

Ok giniloyi, nikech abiro bet kodi kendo riti. An Ruoth Nyasaye ema awacho kamano.”

Jeremia 1:7

To Ruoth Nyasaye nowachona niya, “Kik iwachi ni pod itin, to dhiyo adhiya ir ji duto ma aori kuomgi, mondo iwachnigi gik moko duto ma anyisi.

Jeremia 26:2

Ruoth Nyasaye nowacho ni Jeremia niya, “Dhiyo ichung’ e laru mar Hekalu mondo inyis joma odak e miech Juda ma biro lemo e Hekalu weche ma asenyisi. Kik iwe kata wach achiel mak inyisogi.

Zekaria 7:13

Ne awacho niya, ‘Kaka ne gidagi winja ka aluongogi, e kaka ne adagi winjogi ka giluonga,

Tich Joote 20:27

nimar ne ok aluoro hulonu gik moko duto ma Nyasaye dwaro timo.