Jeremia 7:24 - MUMA MALER 2015

²⁴ To ne ok gidewa, bende ne ok giwinjo wachna. Ne gisiko ka gitimo timbe mag wichkuot, kendo kar dhi nyime, to ne gidok chien.

Motingʼo Loko Manyien

²⁴ To ne ok gichiko itgi kata winja; makmana, negiluwo timbegi mag tok teko mag chunjegi maricho. Negidok chien ma ok gidhi nyime.

Jeremia 7:24 ပူးပေါင်းရင်းမြစ်များ

Nehemia 9:29

Nikwerogi matek mondo gilokre kendo gimak chikeni, to ne gisungore, mi ok gidewo chikni. Ne giketho chikni, ma ka ng’ato orito, to yudo ngima. Ne gilokore giweyi ka tokgi tek ta, mi gitamore mako chikeni.

Zaburi 81:13

To mano kaka agombo ni mondo joga owinja. Ee, mad jo-Israel luw yorena.

Jeremia 13:10

Oganda marachni osetamore winjo wachna, mi gisebedo joma wigi tek, kendo ma timbegi richo. Giselamo nyiseche mamoko, kendo gitiyonigi. Kuom mano gibiro chalo mana gi law ma koro onge tichni.

Jeremia 13:11

Kaka law atueya mako nungo ng’at morwake matek, e kaka nadwaro ni mondo jo-Isarel gi jo-Juda omaka matek, mondo gibed joga, kendo gikel pak kod duong’ ni nyinga. To kata kamano ne gitamore luora.”

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 16:12

Koro un to usetimo gik maricho moloyo kata mane kwereu otimo. Un duto un joma richo ma wigi tek, ma ok nyal luora.

Jeremia 17:23

To kweregi ne ok odewo winjo wachna, kendo wigi ne odoko matek, mi gidagi luora, kata obedo ni asekumogi kamano.

Jeremia 17:9

“Ere ng’ama nyalo ng’eyo gima chuny dhano paro? Onge gima jamriambo kaka chuny dhano. En gi tuoche mang’eny ma ok nyal chango.

Jeremia 18:10

mi ogandano otimo richo, kendo otamore rito chikna, to nyaka alok parona kuom gima ber mane awacho ni natim.

Jeremia 18:12

To gibiro dwoki niya, ‘Ok wanyal loko timbewa! Wabiro timo mana gima wahero, ka ng’ato ka ng’ato timo mana gima wiye omiye.’

Jeremia 2:27

Un duto mawacho ni yath ni, ‘In e wuonwa,’ kendo wacho ni kidi ni, ‘In minwa,’ wiu nokuodi. Ne ubaro mi uweya, kendo ne udagi duogo ira, to eka ka masira omakou, to ukwaya mondo abi akonyu!

Jeremia 22:21

Nawuoyo kodu kapod udhi maber, to ne utamoru winjo. Adier, usiko kutamoru luora chakre tindou.

Jeremia 23:17

Gisiko ka giwacho ni ji motamore winjo wachna niya, ‘Gik moko duto biro dhinu maber.’ Bende giwacho ni joma wigi tek ni masira ok nomakgi.

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 3:17

E ndalogo noluong Jerusalem ni komduong’ mar Ruoth Nyasaye, kendo ogendini duto nochokre kuno mondo omi nyinga duong’. Ok ginichak gitim tim wich teko, bende ok ginibed gi chuny mar timo richo.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Jeremia 32:33

Giselokona ng’egi, kendo kata obedo ni ne asesiko kapuonjogi, to gidagi winja, bende ok giyie mako puonjna.

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 6:16

Ruoth Nyasaye wacho ni joge niya, “Chung’uru e akek yo, mondo urang wang’yore machon, kupenjo kuma yo maber nitie. Wuothuru e wang’yorno, mi unuyud kue.” To gidwoko niya, “Ok wanawuothi e wang’yorno.”

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Jeremia 8:5

Ka kamano, to ere gima omiyo gibaro giweya ma ok ginyal duogo ira ngang’? Gituere kuom nyisechegi manono, kendo gidagi duogo ira.

Jeremia 9:14

Gisebedo mana ka wigi tek, ka gitimo dwarogi giwegi, kendo giselamo kido manono mag Baal, kaka ne kweregi opuonjogi.

Ezekiel 20:13

To ne gipiem apiema koda, kata mana e thim, ka giketho buchena, kendo gidagi chikena, ma ka ng’ato orito, to yudo ngima. Bende ne giketho ndalo mag Sabatona chuth. Mano ema omiyo ne achano mondo atiekgi gi mirimba mager e thim kuno.

Ezekiel 20:16

Ne akuong’ora kamano nikech ne gidagi rito chikena, kendo ne giketho buchena. Ndalo mag Sabato bende ne ok girito, nikech ne gihero mana lamo nyisechegi manono.

Ezekiel 20:21

“To kata obedo ni ne akwerogi kamano, to gin bende ne gipiem koda. Ne giketho chikena, kendo ne ok girito buchena, ma ka ng’ato orito, to yudo ngima. Ne giketho ndalo mag Sabatona, omiyo ne achano mondo atiekgi duto gi mirimba mager e thim kuno.

Ezekiel 20:8

“To ne gipiem koda, mi gitamore winja. Ne ok giwito nyiseche modwanyore mag Misri, kata weyo lamogi ne ok giweyo. Kuom mano, ne achano mondo atiekgi gi mirimba mager e piny Misri kuno.

Daniel 9:6

Wasetamore winjo jotichni ma jonabi mane owuoyo e nyingi ni ruodhiwa kendo ni jotendwa gi kwerewa kod oganda duto.

Hosea 10:6

mondo ochiw ni ruodh Asuria ka osuru. Wi jo-Israel nokuodi nikech richogi giwegi.

Hosea 4:16

Jo-Israel tokgi tek mana ka tok kanyna. Kuom mano, ere kaka dapidhgi maber ka rombe manie lek momew?

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Zekaria 7:11

To ne gidagi, mi giloko ng’egi ka gidino itgi, mondo mi kik giwinj wachna.

Rapar mar Chik 29:19

Ka ng’atno owinjo weche mag singruokni, mi owuondore e chunye ni onge gima biro time, kata koluwo timbene mag wich teko, to mano nokel masira maduong’.