Jeremia 7:23 - MUMA MALER 2015

²³ To ne achikogi matek mondo giluora, eka abed Nyasachgi, kendo gibed joga. Bende nanyisogi ni nyaka gitim gik mane achikogi, eka mondo gidhi maber.

Motingʼo Loko Manyien

²³ to ne achiwo chikni: Luorauru, to anabed Nyasachu kendo unubed joga. Wuothuru e yore duto machikou, mondo duto odhi kodu maber.

Jeremia 7:23 ပူးပေါင်းရင်းမြစ်များ

Ayub 36:11

Ka gimiyo Nyasaye luor, kendo gitiyone, to gidak gi kue kendo gidhi nyime maber e ndalogi duto.

Zaburi 119:3

Adier, joma kamago ok tim gik maricho, to giwuotho mana e yore Nyasaye.

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Zaburi 81:13

To mano kaka agombo ni mondo joga owinja. Ee, mad jo-Israel luw yorena.

Wuok 15:26

Nowachonigi niya, “An Ruoth Nyasaye ma Nyasachu. Ka uwinjo wechena gi chunyu duto, mi utimo mana kaka adwaro, kendo kumako chikena gi buchena, to ok nasandu gi tuoche ma nakelo kuom jo-Misri, nimar an e Ruoth Nyasaye machangou.”

Wuok 16:32

Musa nowacho niya, “Ruoth Nyasaye ochiko kama: ‘Kawuru manna moromo ondweto achiel, ukan ni nyikwau, mondo chieng’ moro gine chiemo mane amiyou mondo ucham e thim, kane agolou Misri.’ ”

Isaya 3:10

Ng’at makare en jahawi, kendo gik moko duto dhine maber, nikech oyudo pok kuom gik mabeyo motimo.

Jeremia 11:4

En singruok mane atimo gi kweregi kane agologi e piny Misri, e sand mager ka mach makakni. Ne awachonigi ni ka girito chikena, kendo gitimo gik moko duto ma anyisogi, to ginibed joga, kendo anabed Nyasachgi.

Jeremia 11:7

Chakre kinde mane agoloe kweregi e piny Misri nyaka chil kawuono, asebedo kasiemogi matek mondo girit wechena.

Jeremia 13:11

Kaka law atueya mako nungo ng’at morwake matek, e kaka nadwaro ni mondo jo-Isarel gi jo-Juda omaka matek, mondo gibed joga, kendo gikel pak kod duong’ ni nyinga. To kata kamano ne gitamore luora.”

Jeremia 22:21

Nawuoyo kodu kapod udhi maber, to ne utamoru winjo. Adier, usiko kutamoru luora chakre tindou.

Jeremia 22:3

An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Jeremia 24:7

Anamigi chuny mar ng’eyo ni an e Ruoth Nyasaye. Bang’e ginibed joga, kendo anabed Nyasachgi, nikech giniduog ira gi chunygi duto.

Jeremia 31:33

Singruok ma anatim gi dhood Israel bang’ ndalogo ema: Anaket chiekena e parogi, kendo anandikgi e chunygi. Anabed Nyasachgi, mi ginibed jogaa.

Jeremia 32:23

To kane gidonjo e pinyni, mi gidakie, ne ok girito chikeni, bende ne ok giluori. Ne ok gitimo gimoro amora mane isechikogi mondo gitim. Mano emomiyo ne ikelo masirani duto kuomgi.

Jeremia 38:20

Eka Jeremia nowachone niya, “Ok nochiwi e lwetgi, omiyo akwayi ni mondo iwinj wach Ruoth Nyasaye kaka asenyisi, mi inine maber kendo ok nonegi.

Jeremia 42:6

bed ni en wach maber kata marach. Wabiro winjo gima Ruoth Nyasaye ma waori ire owacho, nimar mano ema dimi wadhi nyime maber.”

Zefania 3:2

Ne ok onyal yie kwer mane ikwerego, kendo ne odagi winjo puonj. Bende ne ok oyie kuom Ruoth Nyasaye, kata mana sudo machiegni kode ne ok osudo.

Zekaria 6:15

Ji moa kuonde maboyo nobi mondo okony tich gero Hekalu mar Ruoth Nyasaye. Kamano unung’e ni Ruoth Nyasaye Manyalo Gik Moko Duto ema oseora iru. To mano notimre mana ka uyie winjo wach Ruoth Nyasaye ma Nyasachu.

Zekaria 7:7

Donge mano e gima namiyo jonabi machon ohulo e kinde mane kue nitie kendo ji opong’o Jerusalem gi mier mane olwore koni gi koni, kaachiel gi piny ma yo milambo kod piny pap?”

Jo-Rumi 16:26

To koro Nyasaye mochwere osechiko ni mondo oele e lela mondo ogendini duto oyie kuome kendo omak chikne, mana kaka jonabi nondiko e Muma.

2 Jo-Korintho 10:5

kod sunga mamon gi rieko mar Nyasaye. Waketo paro duto mag dhano e tuech mondo owinj Kristo.

Rapar mar Chik 11:27

Ka urito chike mag Ruoth Nyasaye ma Nyasachu ma amiyou kawuono, to ubiro yudo gueth.

Rapar mar Chik 13:4

Luwuru Ruoth Nyasaye ma Nyasachu kumiye duong’ kendo kurito chikene. Winjuru gima owacho, kendo lameuru kupadoru kuome.

Rapar mar Chik 13:5

To nyaka neg jakor wachno kata jalekno, nimar osewuoyo marach kodwaro ni mondo utamru winjo wach Ruoth Nyasaye ma Nyasachu mane oresou, kagolou Misri, kama nubedoe wasumbni. Ng’atno osetemo witou mondo uwe yo mane Ruoith Nyasaye ma Nyasachu ochikou mondo uluw. Kunege kamano, eka unugol richo ma kama kuomu.

Rapar mar Chik 30:2

mi uduogo ire gi chunyu duto, kaachiel gi nyithindu, mana kaka chike ma amiyougi dwaro,

Rapar mar Chik 30:20

Heruru Ruoth Nyasaye ma Nyasachu, kuwinjo wachne, kendo kuketo chunyu kuome. Mano nomi ubed mangima, kendo udag aming’a e piny mane osingore ni kwereu ma Ibrahim gi Isaka kod Jakobo.”

Rapar mar Chik 30:8

Unuchak uluor Ruoth Nyasaye kendo, mi unurit chikene duto ma amiyou kawuonogi.

Rapar mar Chik 4:10

Nyaka uparnigi gik mane otimore chieng’ mane uchung’ Horeb e nyim Ruoth Nyasaye ma Nyasachu cha, ka Ruoth Nyasaye wachona ni, ‘Chokna ji e nyima ka, mondo giwinj kawuoyo kodgi, kendo gipuonjre luora e ngimagi duto.’

Rapar mar Chik 4:40

Emomiyo rituru buche kod chike Nyasaye ma amiyou kawuono. Eka un kaachiel gi nyikwau unubed maber, kendo unudag aming’a e piny ma Ruoth Nyasaye ma Nyasachu miyou mondo obed maru nyaka chieng’.”

Rapar mar Chik 5:16

“ ‘Luor wuoru gi meru kaka Ruoth Nyasaye ma Nyasachu nochikou, eka mondo udag aming’a, kendo udhi maber e piny ma Ruoth Nyasaye ma Nyasachu biro miyou.

Rapar mar Chik 5:29

Da ber ka gisiko gi chuny moluora kendo morito chikena duto, eka mondo gin gi nyikwagi gidag maber nyaka chieng’.

Rapar mar Chik 5:33

Luwuru yo ma Ruoth Nyasaye ma Nyasachu osechikou, mak ubaro koracham kata korachwich. Bang’e eka unubed maber kendo unudag aming’a e piny ma udhi kawo.

Rapar mar Chik 6:3

Omiyo un jo-Israel winjuru kendo rituru chikego mondo udag maber kendo unya e piny maber kendo momewno, mana kaka Ruoth Nyasaye ma Nyasach kwereu nosingorenu.

Jo-Hibrania 5:9

Kendo kane osebedo ng’ama kare chuth, nodoko jakel warruok mosiko ni ji duto mawinjo wachne,

1 Samuel 15:22

To Samuel nopenje niya, “Iparo ni Ruoth Nyasaye ohero chiwo kod misengni moloyo mako chikene koso? Ooyo, mako chik ber moloyo misango, kendo chiko it ber moloyo boche imbe.