Jeremia 7:21 - MUMA MALER 2015

²¹ Ruoth Nyasaye Manyalo Gik Moko Duto ma Nyasach Israel owacho niya, “Chamuru achama misengni monego wang’ pep, kaachiel gi misengni moyienu chamo.

Motingʼo Loko Manyien

²¹ “ ‘Ma e gima Jehova Nyasaye Maratego, ma Nyasach Israel wacho: Dhiuru nyime, meduru chiwo magu mag misengini miwangʼo pep e misengini magu mamoko kendo ucham ringʼogo un uwegi!

Jeremia 7:21 ပူးပေါင်းရင်းမြစ်များ

Zaburi 50:8

Aonge kodu gi wach kuom misengni miwang’o pep kod misengni mamoko mutimona pile.

Isaya 43:23

Ok usetimona misengni miwang’o pep mag rombe, kendo ok usemiya duong’ kutimona misengni mamoko. To ok asechandou mondo utimna misengni mag cham, bende ok asemiyou ting’ mapek, ka adwaro ni mondo uwang’na ubani.

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 6:20

Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Ezekiel 33:25

“To nyisgi ni an Ruoth Nyasaye awachonigi kama: Uchamo ring’o man gi remo, kendo ulamo nyiseche manono, bende uchuero remo. Koro ere gima omiyo uparo ni pinyno en maru?

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Rapar mar Chik 12:27

Misengni miwang’o pep, moriwo ring’o gi remo nyaka chiw e kendo-mar-misango mar Ruoth Nyasaye ma Nyasachu. To remb misengni mau mag sawo, nyaka ol e kendo-mar-misango mar Ruoth Nyasaye ma Nyasachu, mak mana ring’o ema unyalo chamo.