Jeremia 7:20 - MUMA MALER 2015

²⁰ Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Motingʼo Loko Manyien

²⁰ “ ‘Emomiyo ma e gima Jehova Nyasaye Manyalo Gik Moko Duto wacho: Ich wangʼ mara kod mirimba nool kaeni, kuom dhano kod le, kuom yiende manie puothe kod kuom olembe mag lowo, kendo nowangʼ ma ok nyal neg majno.

Jeremia 7:20 ပူးပေါင်းရင်းမြစ်များ

2 Ruodhi 22:17

Ne gikwinya gi timbegi ka giweya, kendo ka giwang’o ubani ni nyiseche manono. Emomiyo mirimba nobed mager kuom pinyni, kendo ok norum.’

Isaya 10:17

Ler mar Israel nolokre mach. Adier, Ng’ama Ler nolokre mach mang’ang’ni, ma chieng’ moro nomuochi, mi wang’gi pep odiechieng’ achiel mana ka kudho.

Isaya 42:25

Mano ema omiyo noolo mirimbe mager kuom jo-Israel, kokelonigi lweny maliet ka mach. Ne olworogi gi mach koni gi koni, to ne ok giwinjo tiend kumno. Adier, ne orewogi, to kata kamano ne ok gidewo.

Isaya 66:24

Giniwuogi, mi gine ringre joma otho mosepiem koda. Kudni machamogi ok notho, kata mach mawang’ogi bende ok notho, kendo ginibed gik ma ji duto osin-go.

Jeremia 11:16

Chon ne aluongogi ni yadh zeituni ma obokene ng’eny, kendo manyago olembe mathoth mabeyo, to koro abiro wang’o obokene kod bedene gi mach mariadore ka mor polo.

Jeremia 12:4

Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Jeremia 14:16

Joma ne giwachonigi gigo bende lweny gi kech biro nego. Ringregi kaachiel gi mag mondgi kod nyithindgi nowiti e yore mag Jerusalem, ma onge ng’ama noyiki, nikech abiro kumogi kuom timbegi maricho.

Jeremia 17:27

To ka ok giluora, mi gitamore rito chieng’ Sabato obed maler, kendo giting’o misigo moro amora ka gikadho e dhorangeye mag Jerusalem chieng’no, to anamok mach e dhorangeye mag Jerusalem, mi majno nowang’ ut ruodhi mag Jerusalem, kendo onge ng’ama nonege.”

Jeremia 17:4

Ubiro a e piny mane amiyou, kendo abiro miyo utiyo ni wasiku e piny ma ok ung’eyo, nimar mirimba chal gi mach, kendo biro liel nyaka chieng’.”

Jeremia 18:23

To in Ruoth Nyasaye, ing’eyo gik moko duto ma gitimo ka gidwaro nega. Omiyo kik ing’wonngi kuom timbegi maricho, kendo kik iwenigi richogi. Kelgi e nyimi ka gichwanyore, kendo kumgi ka in gi mirima mager.”

Jeremia 21:12

Timuru gik makare pile. Konyuru ng’at ma ithiro e lwet joma thire, ka ok kamano, to timbeu maricho biro wang’o iya, ka mach ma ok nyal negi.

Jeremia 42:18

“Ruoth Nyasaye ma Nyasach Israel wacho niya, ‘Kapo ni udhi e piny Misri, to abiro olo mirimba kuomu, mana kaka ne aolo mirimba kuom jo-Jerusalem. Unulokru gima bwogo ji, kendo ji nobed kajarou, mi giluong nyingu ka gima okuong’. Bende ok nuchak une kaeri kendo.’ ”

Jeremia 44:6

Mano omiyo ne aolo mirimba mager e miech Juda kendo e yore mag Jerusalem, mi awang’ogi gi mach. Ne gidong’ ka gikethore maonge ng’ama dakie, kendo pod gisiko kamano nyaka chil kawuono.

Jeremia 6:11

Kuom mano, Ruoth Nyasaye, mirimbi opong’a, kendo koro ohewa.” Eka Ruoth Nyasaye nowacho ni Jeremia niya, “Ol mirimba kata mana kuom nyithindo matugo e yore, kendo kuom yawuowi mochokore kanyakla. Mon gi chwo ibiro kawo koda ka joma oti mojwajni.

Jeremia 6:12

Utegi gi puothegi kod mondgi bende nomi jomoko nono, nimar abiro kumo jopinyni. An Ruoth Nyasaye ema awacho kamano.

Jeremia 8:13

“Abiro tieko joga chutho, nikech gichalo yiend mzabibu kata ng’owo maonge olemo, ma kata potgi bende osener.”

Ywagruok 4:11

Ruoth Nyasaye ne oolo mirimbe mang’eny ka iye owang’, mi omoko mach kuom Sayun mowang’o mise mage duto.

Ezekiel 22:22

Ibiro lenyou Jerusalem mana kaka ilenyo fedha e karaya, mi unung’e ni an Ruoth Nyasaye ema akumou gi mirimba mager.”

Ezekiel 7:12

Kindeno biro! Adier, ndalono sudo machiegni! Jong’iewo gi joloko ok onego obed mamor, bende ok onego giywagre, nikech mirimb Nyasaye ni kuomgi giduto.

Ezekiel 7:14

Tung’ ywak, kendo ji duto ikore, to onge ng’ama dhi e lweny, nikech mirimb Ruoth Nyasaye biro lwar kuom ji duto machalre.

Daniel 9:11

Jo-Israel duto noketho chikeni, mi otamore winjo gima ne iwacho. Ne watimo richoo e nyimi, mi ikelo kuomwa kuong’ duto mondik e kitap chik Musa jatichni.

Tim jo-Lawi 26:28

to an bende nasik kapiem kodu gi mirimba mager, mi nakumu nyadibiriyo nikech richou.

Nahum 1:6

En ng’a manyalo chomo mirimb Ruoth Nyasaye tir? Koso ere ng’ama nyalo siro gero ma en-go? Mirimbe o oko mana ka aora mar mach, kendo lwendni barore abara e nyime.

Zefania 1:2

Ruoth Nyasaye wacho niya, “Abiro yweyo gik moko duto manie piny, mi lal nono.

Zefania 1:3

Abiro tieko dhano kaachiel gi le, bende abiro tieko winy ma e kor polo, kod rech ma e nam. Abiro goyo joma timbegi mono piny, mi atiek koth dhano chuth. An Ruoth Nyasaye ema awacho kamano.

Zekaria 7:12

Bende ne gijiwo chunygi mobedo matek ka kidi, mi gitamore winjo puonj kod weche duto mane Roho mara miyo jonabi machon puonjogi. Kuom mano an Ruoth Nyasaye Manyalo Gik Moko Duto nakumogi gi mirimba.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Mathayo 3:12

En gi rapiedhi e lwete, ma obiro piedhogo cham duto maler. Enochok chambe e dero, to mihudhi nowang’ gi mach mak tho!”

Fweny 14:10

nyaka madh divai mar mirimb Nyasaye moruw makech e kikombe mar mirimbe. Noyud sand mar mach makakni e nyim malaika maler, kendo e nyim Nyarombo.