Jeremia 7:18 - MUMA MALER 2015

¹⁸ Nyithindo modo yien, eka wuonegi moko mach, to mon dwalo mogo mondo olosgo kek obed misango ni nyasaye ma dhako ma iluongo ni Ruodh Polo. Bende gitimo ni nyiseche mamoko misengni miolo piny, mondo gichwanyago.

Motingʼo Loko Manyien

¹⁸ Nyithindo choko yien, wuone moko mach, to mon dwalo mogo mondo gilos godo makati ne Ruoth ma Dhako mar Polo. Gichiwo misango miolo piny ne nyiseche manono mondo ochwanya ma mi iya wangʼ.

Jeremia 7:18 ပူးပေါင်းရင်းမြစ်များ

1 Ruodhi 14:9

to in iseketho moloyo joma nokwongoni; iseloso nyisecheni iwuon mag chuma, kimiyago mirima, kendo iselokona ng’eyi.

1 Ruodhi 16:2

“Ne amiyi duong’ kagoli e buru, kendo naketi jatend joga Israel, to eka iluwo timbe Jeroboam, kendo imiyo joga Israel obedo joketho, ka gimiya mirima nikech richogi.

Zaburi 16:4

Joma ringo dhi kuom nyiseche mamoko kelo chandruok mang’eny kuomgi giwegi. Ok anatim kodgi misengni mag remo ma giolo piny, kendo ok nalam nyisechegigo.

Isaya 3:8

Jerusalem nokethre kendo Juda nopodhi nikech gisewuoyo marach kuom Ruoth Nyasaye, bende gisetimone timbe maricho, ka gipiem gi duong’ne mang’ongo.

Isaya 57:6

To in oganda Israel, kar dak mopogni ni e hoho motimo lwendni mapoth. Kuno ema itimoe misengni miolo piny ni nyiseche manono, kendo ema ichiwoe misengni mag cham. Iparo ni dawe mak asin gi gigo koso?

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Isaya 65:3

Gin joma ne kwinya pilepile, kaneno, ka gitimo misengni e puothe, kendo giwang’o ubani e kende molos gi matafali.

Jeremia 1:16

Mano e kaka abiro kumo joma oseketho, moweya kendo owang’o misengni ni nyiseche mamoko, ka gilamo gik ma giloso giwegi.

Jeremia 11:17

“An Ruoth Nyasaye Manyalo gik Moko Duto ema napidho jo-Israel gi jo-Juda kaka ng’ato pidho yath, to koro abiro bwogogi gi masira nikech richo ma gisetimo. Gisekelo gima kama kuomgi giwegi, nikech gimiya mirima kuom timo misengni ni Baal.”

Jeremia 17:2

Yawuotu paro kende-mag-liswa kod sirni milamo mane ochung’ e tiend yien duto motimo tiep, kendo e pidhe

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 25:7

To Ruoth Nyasaye owuon wacho ni udagi winjo wachne, kendo kar luore to ne umiye mana mirima gi kido manono mane uloso, mi un uwegi ema umiyo okumou.

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Jeremia 44:25

‘Un kaachiel gi mondu, usetimo singruok ni ruoth madhako mar polo. To mano ber! Chopuru achopa singruokugo, kendo timuru atima gik ma usekuong’oru ni ubiro timo!

Jeremia 44:4

Ne asiko ka aoronu jotichna ma jonabi mondo okweru kik utim gik makuero ma amon-gogo,

Jeremia 7:17

Donge ineno gik ma gitimo e miech Juda kendo e yore mag Jerusalem?

Ywagruok 5:13

Yawuowi ichuno mondo oregi. Wahia bende chandore gi ting’o yien mapek.

Ezekiel 16:26

Bende ne iweyo jo-Misri ma jogombo mokiewo kodi oterre kodi, mi imiya mirima gi timbeni mang’eny mag chodego.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 8:16

Eka ne otera e laru maiye mar Hekalu, kuma ne nitie ji piero ariyo gabich but dhoranga Hekalu, e kind kendo-mar-misango gi kama ikadhoe. Ne giseloko dieng’egi ni Kama Ler, ka gikulore koma ochomo yo wuok chieng’, kendo gilamo chieng’ mawuok gokinyi.

Ezekiel 8:17

Ruoth Nyasaye nopenja niya, “Wuod dhano, donge ineno mano? Timbe makuero ma isenenogo pok oromo jo-Judagi koso, ma pod gimedoe mana pong’o piny gi timbe mahunduni, ka gimedo miyago mirima? Neye kaka giyanya marach moloyo!

1 Jo-Korintho 10:22

Wadwaro miyo Ruoth mirima koso? Koso waparo ni watek moloye?

Rapar mar Chik 32:16

Ne gimiyo nyiego omake kuom lamo nyiseche mamoko, kendo ne gimiye mirima gi timbegi makuero.

Rapar mar Chik 32:21

Gisemiyo nyiego omaka, nikech giselamo gikma ok nyasaye. Adier gisewang’o iya, nikech giselamo gima nono. Omiyo abiro miyo nyiego makgi ka ayiero oganda ma nono oloyo, kendo abiro wang’o igi, ka ayiero oganda ma ok dew Nyasaye.

Rapar mar Chik 4:19

Bende kung’iyo polo, muneno gik moko duto mantie, kaka chieng’ gi due kod sulue, to kik gimoro ywau mondo ukulrunigi kata ulamgi. Gik ma kamago Ruoth Nyasaye osechiwo ni ogendini mamoko e piny duto ka gik ma gilamo.