Jeremia 6:4 - MUMA MALER 2015

⁴ Giniwach niya, “Waikreuru mondo wamonj Jerusalem! Ikreuru! Wabiro monjogi godiechieng’ tir.” To eka ginilok parogi ka giwacho niya, “Ooyo, sa koro ng’eny, piny dwaro yuso, kendo tipo lor.

Motingʼo Loko Manyien

⁴ “Ikri mar kedo kode! Wuoguru, wadhi wamonjgi e dier odiechiengʼ! To mano kaka ler mar odiechiengʼ bedo ma dimdim, kendo tipo mag odhiambo yware.

Jeremia 6:4 ပူးပေါင်းရင်းမြစ်များ

Ayub 7:2

kata ka misumba ma gombo yueyo e tipo mang’ich, kendo ka jatich madwaro misache.

Wer Mamit 2:17

Nyaka koch okinyi kudhi, mi piny yawre. Duogi e gode mang’ue ng’ar, yaye jaherana, mana ka gima in apol kata ka ngau ma pod dongo modak e gode.

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 15:9

Dhako man gi yawuowi abiriyo opodho piny ka muche orumo, nikech yawuotego duto osenegi. Piny othone mudho ka wiye okuot, kendo chunye chandore. Abiro miyo wasigu neg jou ma pod odong’ ka ngima. An Ruoth Nyasaye ema awacho kamano.”

Jeremia 5:10

Abiro chiko wasikgi mondo ochadh yiend mzabibu maggi, to ok ginikethgi chuth nimar abiro nyisogi mondo gilwer mana bedegi oko nikech ok gin maga.

Jeremia 6:23

Gin gi aserni kod tonge, giger kendo ok gikech ng’ato; tiend faresegi mor ka apaka mar nam mawuo. Gikore kedo gi Sayun.”

Jeremia 8:20

Ji ywak kawacho niya, “Ndalo keyo osekadho mak wayudo gima dwaresrego.”

Joel 3:9

Nyis ogendini niya, “Ikreuru ni lweny, kendo chokuru jokedo. Ee, luonguru jolweny duto mondo obi!

Obadia 1:1

Magi e weche mane Ruoth Nyasaye owacho ni Obadia e fweny kuom jo-Edom. Ruoth Nyasaye oseoro jaotene ir ogendini, kowacho niya, “Biuru mondo wadhi waked gi jo-Edom.” Kendo wasewinjo wachne.

Mika 3:5

Ruoth Nyasaye wacho niya, “Jonabi wuondo joga ka nyiso joma miyogi gik moko ni gibiro yudo kue, to joma ok migi gimoro, to gibwogo ni gibiro kelonigi lweny.

Zefania 2:4

Dala mar Gaza ibiro we nono. Ashkelon bende biro dong’ gunda, kendo jo-Ashdod ibiro riembo mana odiechieng’ tir. Ekron to ibiro dhuolo gi lop tiende.