Jeremia 6:30 - MUMA MALER 2015

³⁰ Emomiyo ibiro luongo joga ni fedha mowe, nikech an Ruoth Nyasaye aseweyogi.”

Motingʼo Loko Manyien

³⁰ Iluongogi ni fedha mojwangʼ, nikech Jehova Nyasaye osejwangʼogi.”

Jeremia 6:30 ပူးပေါင်းရင်းမြစ်များ

2 Ruodhi 17:20

Omiyo Ruoth Nyasaye nodagi nyikwa Israel duto. Nothagogi moketogi e lwet wasigu mane peyogi to achien nogologi e pinygi.

Zaburi 119:119

Joricho duto ikwano ka yugi. Kuom mano ahero chikeni.

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Ngeche 25:4

Ka ogol chilo kuom fedha, eka jatheth nyalo thedho gimoro maber gi fedhano.

Isaya 1:22

Fethu oselokore chuoth nyinyo, kendo divachu otimo pi.

Isaya 1:25

“Anachak asandu mi apuodh richou duto mana ka ng’ama lenyo fedha mondo chuoth nyinyo owuogi.

Jeremia 14:19

“A Ruoth Nyasaye iseweyo jo-Juda chuth koso? Adier, ichayo jo-Sayun? Ere gimomiyo isehinyowa malit kamano, ma ok wanyal chango? Ne wageno ni wabiro yudo gik mabeyo, to onge gima ber mane wayudo. Ne waparo ni ibiro changowa, to masira malit ema nopoyowa.

Jeremia 23:33

“In Jeremia, ka ng’ato kuom joga kata kuom jonabi kata kuom jodolo openji wach moa kuoma, kowacho niya, ‘Ere ting’ mapek moa kuom Ruoth Nyasaye,’ to wachne ni, ‘Un e ting’ mapek ma Ruoth Nyasaye nigo, kendo obiro witou.’

Jeremia 7:1

Ruoth Nyasaye nowacho ni Jeremia

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ywagruok 5:22

Koso isedagiwa chuth ka in gi mirima mager?

Hosea 9:17

Ruoth Nyasacha biro jwang’o joge nikech ok gisewinje. Gibiro bedo joma bayo abaya e kind ogendini.

Zekaria 11:8

Kane pok due achiel orumo, ne ariembo jokwath adek nikech ne gijoga, kendo gin bende chunygi nosin koda.

Mathayo 5:13

“Un e kat piny, to ka ndhath kado orumo, dochak oyud ndhadhu nadi? Ooyo! Koro oonge gi tich, omiyo ipuke mana oko, kendo ji nyone anyona.

Jo-Rumi 11:1

To bende apenjo niya, “Nyasaye osewito joge koso?” Ooyo! Ok nyal bet kamano, nikech an awuon an ja-Israel ma nyakwar Ibrahim, kendo ma jadhood Benjamin.