Jeremia 6:26 - MUMA MALER 2015

²⁶ To an Ruoth Nyasaye awachonu niya, “Un joga, rwakreuru gi piende gugru, kendo bukreuru gi buru. Ywaguru malit ka ng’ama ywago wuode ma miderma, nimar ng’at ma biro tiekou biro poyou.”

Motingʼo Loko Manyien

²⁶ Yaye joga, rwakuru lepu mag ywak kendo ngʼielreuru e buru; gouru nduru ka udengo malit mana ka ngʼama ywago wuode achiel kende, nimar apoya nono jaketh gik moko biro podho kuomwa.

Jeremia 6:26 ပူးပေါင်းရင်းမြစ်များ

Chakruok 21:16

mobet piny kowacho niya, “Ok darang nyathina katho.” To kane pod obet kanyo, nyathi nochako ywak.

Ayub 15:21

Koko mag masiche biro mor e ite, kendo jomecho biro monje mi yake e kinde moparo ni enie gi kue.

Ayub 2:8

Ayub nodhi mobet e buch kendo, mi okawo mbalatago mondo ogwonyrego.

Isaya 22:12

Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Isaya 22:4

Mano emomiyo awacho niya, “Weuru ng’iya! Weuru aweya, aywag malit! Kik utem kueyo chunya, nikech jowa oserumo.”

Isaya 3:24

Kuom mano kar winjo tik mang’ue ng’ar, to unuwinj mana tik madum marach. Bende kar bedo gi misip, to tol ema notueugo, kendo kar bedo gi wich molos maber, to bondo ema unubedgo, bende kar rwako nanga maber, to gunia ema unutue e nungou, kendo kar bedo gi chia maber to mbelni mag mach ema nobed e dendu.

Isaya 30:13

omiyo richouno biro chalonu okak manie ohinga mabor, ma miyo ohinga barore tiarara, kendo podho ka diemo wang’,

Isaya 32:11

Un mon ma sani odak e ngima maber, parreuru! Weuru dhil mudhilgono! Lonyreuru duk mondo utue piende gugru e nungou,

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 13:17

Ka utamoru winjo siemni, to anaywagu gi chunya nikech sungau. Anaywagu malit, mi pi wang’a nochuer nyaka wang’a owre, nikech odar jo-Ruoth Nyasaye, kitero e tuech.”

Jeremia 14:17

“In Jeremia, wach ni ji kama: ‘Pi wang’a mondo omol odiechieng’ gotieno! Onego kik awe ywak nimar joga osego matek, mi ohinyore malit.

Jeremia 15:8

Ne anego chwo mang’eny, mi ubedo gi mond liete mathoth ka kuoyo mae dhonam ne anego yawuotu godiechieng’, mi akelo ne minegi kuyo.

Jeremia 18:22

Kel mony apoya, mondo oyak miechgi, mi giywag ka kihondko omakogi. Gisekunyona bur mondo anyumrae, kendo gisechikona obadho mondo omaka.

Jeremia 30:5

“Asewinjo ywak mar kihondko ma onge kue.

Jeremia 4:11

Ndalo biro, mibiro nyisie jo-Jerusalem ni yamo maliet moa e thim kudho koni, kochomo jo-Ruoth Nyasaye. Ok nokudh mos maber minyalo piedhgo cham,

Jeremia 4:20

Masira achiel luwo machielo, kendo piny duto okethi, piyopiyo nono hembena omuki, kendo rageng’ni maggi oyiech matindo tindo.

Jeremia 4:8

Kuom mano, rwakreuru gi piende gugru, kendo uywagi ka ugoyo nduru, nikech mirima mager ma Ruoth Nyasaye nigo gi jo-Juda pok orumo.”

Jeremia 6:14

Gichalo jothieth mathiedho jotuo marachrach, mana ka gima ok gituo, nimar giwacho ni gik moko beyo, to chutho, gik moko ok beyo.

Jeremia 8:19

Ling’uru ane, awinjo ka joga ywak kuonde duto ma gintie, ka gipenjo niya, ‘Ruoth Nyasaye oseweyo Sayun koso? Ruodh Sayun onge kuno adier?’ To Ruoth Nyasaye ma ruodhgi dwoko niya, ‘Ere gima omiyo usemiya mirima kuom lamo nyiseche mag pinje mamoko?’ ”

Jeremia 8:21

Chunya lit, nikech itimo ni joga malit. Aywak kendo akuyo marach.

Jeremia 9:1

“Mad wiya lokre soko mar pi, kendo pi wang’a lokre aora, mondo aywagi odiechieng’ gotieno nikech joga mosenegi.

Jeremia 9:10

Jeremia nowacho niya, “Abiro ywago gode gi lege, nikech gisetwo, kendo onge ng’ama wuothoe. Ywak mar jamni tinde ok winji, kendo winy gi le duto mae thim oseringo.”

Ywagruok 1:16

Mano emomiyo aywak ka pi wang’a ridore e lemba, nimar ng’at ma dikue chunya mi konya, ni kuma bor. Yawuota odhier nono, nikech wasika oselocho.”

Ywagruok 1:2

Oywak malit otieno duto, ka pi wang’e ridore e lembe. Kuom joherane duto, onge ng’ama nyalo kueyo chunye. Osiepene duto osendhoge, mi odoko wasike.

Ywagruok 2:11

Aseywak ahinya, mi wang’ a oowore kendo iya nyawni. Chunya bende chandore malit, nikech masira ma joga neno. Rawere gi nyithindo mayom nong’no tero, kendo gipodho e wang’yore mag dala.

Ywagruok 3:16

Osemiyo laka otur ka amuodo ge, kendo osemiyo achamo buru.

Ywagruok 3:48

Pi wang’a mol ka aora nikech joga inego.

Ywagruok 4:10

Mon mang’won notedo nyithindgi giwegi. Adier, nyithindgi nolokore chiembgi e ndalo mane masira omakoe joga.

Ywagruok 4:3

Kata mana ondieg otoyo bende dhodho nyithindgi, joga to osedoko makwiny mana ka udo ma e thim.

Ywagruok 4:6

Kum ma joga oyudo lich moloyo kum mane okum go Sodom, nikech Sodom nolok gunda mana piyopiyo nono, ma onge ng’ama oywago.

Amos 8:10

Anami sewni mau lokre ywak mar tho, kendo wendeu mag mor nolokre dengo. Anami urwak pien gugru uduto, kendo uliel wiu. Unuchal joma ywago wuodgi ma miderma, kendo chieng’no nobed malit adier.”

Jona 3:6

Kane ruoth owinjo wachno, noa malo e kome, molonyo lepe mag ruoth, kendo norwako pien gugru, mi obet e buru.

Zekaria 12:10

Anami joka Daudi gi jo-Jerusalem chuny mang’won, kendo mohero lemo. Eka bange giniteg wang’gi kuom jal mane gichwowo, mi otho, kendo giniywage mana ka joma ywago nyathi ma miderma. Adier, giniywag malit mana ka joma ywago wuodgi makayo.

Luka 7:12

To kane ochopo e dhoranga dalano, noromo gi ji moting’o ng’at motho, ma gidhi yiko. Ng’at mothono ne wuowi ma miderma, ma wuod dhako ma chi liel. Noyudo ka jodalano mang’eny jodhi kod min mare kar yiko.

Jakobo 4:9

Koro ma e kinde ma onego ubedie gi kuyo, kuywak kendo ugoyo nduru. Ber mondo nyiero munyierogo olokre ywak, kendo mor ma un-go olokre kuyo.

Jakobo 5:1

Koro un jomwandu, winjuru wachna! Ywaguru kendo gouru nduru nikech masiche mabiro makou.