Jeremia 6:25 - MUMA MALER 2015

²⁵ Ok wahedhre wuok oko, kata bayo e wang’yore, nikech wasikwa oikore ni lweny kuondego, kendo masiche ng’eny koni gi koni.”

Motingʼo Loko Manyien

²⁵ Kik udhi e puothe kata uwuothie yore, nimar jasigu nigi ligangla, kendo nitie luoro kamoro amora.

Jeremia 6:25 ပူးပေါင်းရင်းမြစ်များ

2 Weche mag Ndalo 15:5

E ndalogo, kue nobed maonge ni ng’ato e yorene duto, nimar chandruok maduong’ nobi kuom ji duto modak e pinyni.

Ayub 18:11

Masira bwoge koni gi koni, kendo lawe sa duto.

Zaburi 31:13

Awinjo ka wasika kuotho, ka bwoga kuonde duto. Gihondho wach kaachiel mondo ginega.

Isaya 1:20

To ka udagi, mi upiem koda, to ligangla notieku. An Ruoth Nyasaye ema awacho kamano.”

Jeremia 14:18

Ka awuok oko e pap, to aneno ringre joma onegi e lweny, to ka adonjo e dala moro, to aneno joma kech nego. Jonabi gi jodolo dhi nyime gi tijegi, to chutho ok ging’eyo gima gitimo.’ ”

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 30:5

“Asewinjo ywak mar kihondko ma onge kue.

Jeremia 4:10

Kane awinjo kamano, nawacho niya, “A Ruoth Nyasaye, isewuondo jo-Jerusalem chuth! Niwacho ni kue biro betie, to koro ligangla ema nie ng’utwa!”

Jeremia 4:5

“Gouru tung’, e piny duto, kendo koguru matek, kunyiso jo-Juda gi jo-Jerusalem mondo oring odhi e mier mochiel motegno.

Jeremia 46:5

To Ruoth Nyasaye penjo niya, “Koro ang’o ma aneno ka timoreni? Gigore nyang’eng’o. Thuondi oselo, omiyo luoro ohewogi, kendo giringo matek ma ok gigo machiemo.

Jeremia 49:29

Yakuru hembegi kod jambgi kaachiel gi rageng’ni mag hembegi kod gimoro amora muyudo e hembego. Bende peuru ngamia maggi kendo unyisgi ni masira olworogi kuonde duto.

Jeremia 49:5

Abiro kelonu masiche moa koni gi koni kendo uduto ubiro ringo. Ng’ato ka ng’ato noring mondo ores ngimane, kendo onge ng’ama nochak ochok jolweny mau kanyakla

Jeremia 8:14

Jo-Nyasaye penjore niya, “Ere gimomiyo wabet abeta? Biuru wadhi e mier mochiel motegno wathoe, nimar Ruoth Nyasaye oseng’adonwa buch tho. Osemiyowa pi motimo kwiri mondo wamodhi, nikech timbewa osebedo maricho e nyime.

Jeremia 8:15

Ne wageno kue, to mana kayiem nono. Bende ne wageno ni wabiro yudo resruok, to masira ema obwogowa.

Ywagruok 2:22

Ne iorona wasigu moa kuonde duto, mana ka ji machokore e nyasi moro maduong’. Onge kata ng’at achiel mane otony. Ooyo, onge ng’ato mane odong’ ka ngima, chieng’ mane inie gi mirima, A Ruoth Nyasaye. Ji duto mane anywolo maber kendo apidho, wasika osetieko pep.

Ezekiel 21:17

An bende abiro pamo lweta, kendo mirimba biro rumo. An Ruoth Nyasaye ema awacho kamano.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Luka 19:43

Ndalo nobi ma wasiki notimnie ageng’a koni gi koni kakunyoni bur alwora.