Jeremia 6:23 - MUMA MALER 2015

²³ Gin gi aserni kod tonge, giger kendo ok gikech ng’ato; tiend faresegi mor ka apaka mar nam mawuo. Gikore kedo gi Sayun.”

Motingʼo Loko Manyien

²³ Gimanore gi atungʼ kod tongʼ; giger kendo gionge ngʼwono. Gimor ka nam mogingore ka giriembo faresegi; gibiro ka ji mochanore komanore gi gige lweny mondo gimonju, yaye Nyar Sayun.”

Jeremia 6:23 ပူးပေါင်းရင်းမြစ်များ

Isaya 10:32

Kawuono ruodh Asuria biro guro kambine Nob. Okwadho bandera ma nyiso ni omonj Sayun, god Jerusalem.

Isaya 13:18

Jo-Media biro nego yawuotgi gi asere, gin joma ok kech kata mana nyithindo.

Isaya 17:12

Winjuru! Mano e koko mar ogendini mang’eny, gimor mana ka nam ma wuo! Chikuru itu! Donge uwinjo kaka ogendini mwomore, gimwomore mana ka apaka madongo!

Isaya 19:4

To anaket piny Misri e lwet jatelo mager. Adier, ruoth makwiny ema notigi. An Ruoth Nyasaye Manyalo Gik Moko Duto ema awacho kamano.”

Jeremia 25:32

Ruoth Nyasaye Manyalo Gik Moko Duto owacho niya, “Masira biro mako ogendini duto moro ka moro, kendo ahiti maduong’ chokore e tung’ piny kuma bor.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 30:14

Osiepeu duto oseweyou, kendo tinde ok gidewu. Asemonjou mana ka jasigu, kendo useyudo kum mager nikech richou mang’eny, bende nikech timbeu maricho lich.

Jeremia 4:13

Neuru, wasigu biro mogingore ka boche polo. Gechegi mag lweny chalo gi kalausi, kendo faresegi ringo matek moloyo ongo. Yaye! Warumo!

Jeremia 4:16

Nyisuru ogendini kendo landuru wach ni, Jerusalem ibiro kethi. Wasigu biro moa e piny mabor, kendo gibiro goyo koko ni joma odak e miech Juda.

Jeremia 4:29

Ka ji winjo ni joidh farese gi jo asere biro, to ng’ato ka ng’ato noringi. Jomoko noring odhi e bunge, to moko noidh lwendni, mi pond kuno. Mier duto nodong’ nono, ma onge ng’ama odakie.

Jeremia 5:16

Jogi ma jo asere nego ji mathoth, kendo giduto gin jolweny marateke.

Jeremia 50:41

Oganda moro biro moa e piny man yo nyandwat. Ee, oganda marang’ongo man kuma bor ikore ni lweny.

Jeremia 50:42

Gin gi asere gi tonge. Giger kendo ok gikech ng’ato. Tiende faresegi mor ka apaka mar nam mawuo. Giikore kedo gi Babulon.

Jeremia 6:4

Giniwach niya, “Waikreuru mondo wamonj Jerusalem! Ikreuru! Wabiro monjogi godiechieng’ tir.” To eka ginilok parogi ka giwacho niya, “Ooyo, sa koro ng’eny, piny dwaro yuso, kendo tipo lor.

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Ezekiel 21:31

mi akumi ka an gi mirima mager ka mach mang’ang’ni. Bang’e anaketi e lwet jomahundu ma tichgi en mana ketho gik moko.

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.