Jeremia 6:22 - MUMA MALER 2015

²² An Ruoth Nyasaye awacho niya, “Oganda moro biro, moa e piny man yo nyandwat. Ee, oganda marang’ongo man kuma bor ikore ni lweny.

Motingʼo Loko Manyien

²² Ma e gima Jehova Nyasaye wacho: “Neuru, jolweny biro koa e piny man yo nyandwat; oganda maduongʼ itugo koa e tunge piny.

Jeremia 6:22 ပူးပေါင်းရင်းမြစ်များ

Nehemia 1:9

To kuduogo ira, mi urito chikna, to anachoku, kendo anadwoku e dala miseyiero mondo nyinga obedie, kata obedo ni uke muchopo e tung’ piny gi tung’ piny.’

Jeremia 10:22

Winjuru! Wach osebiro! Koko maduong’ timore e piny moro yo nyandwat. Gin jolweny mabiro ketho miech Juda, mi lokre thim ma ondiegi ema dakie.

Jeremia 13:20

Un jo-Jerusalem, neyeuru! Wasiku biro, koa malo yo nyandwat. Ere oganda mane chalonu gi kweth maber, mane omiu mondo uriti?

Jeremia 25:32

Ruoth Nyasaye Manyalo Gik Moko Duto owacho niya, “Masira biro mako ogendini duto moro ka moro, kendo ahiti maduong’ chokore e tung’ piny kuma bor.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 30:5

“Asewinjo ywak mar kihondko ma onge kue.

Jeremia 4:16

Nyisuru ogendini kendo landuru wach ni, Jerusalem ibiro kethi. Wasigu biro moa e piny mabor, kendo gibiro goyo koko ni joma odak e miech Juda.

Jeremia 4:6

Nyisuru ji yo madhi Sayun. Ringuru mondo utony, kik udeki, nikech Ruoth Nyasaye kelo masira kaa nyandwat mabiro ketho piny malich.

Jeremia 47:2

“Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Jeremia 5:15

Un jo-Israel, akelo oganda moro, maa e piny mabor mondo obi omonju. En oganda machon kendo maratego ma ok uwinj dhogi, kata mana weche ma giwacho bende ok ung’eyo.

Jeremia 5:16

Jogi ma jo asere nego ji mathoth, kendo giduto gin jolweny marateke.

Jeremia 6:1

Un jo-Benjamin, ringuru mondo utony! Ringuru ua Jerusalem! Gouru tung’ e Tekoa, kendo mokuru mach ewi Beth-hakerem mondo onyis ji ni lweny biro, nimar chandruok kod masira maduong’ chiegni biro koa nyandwat.

Ezekiel 21:31

mi akumi ka an gi mirima mager ka mach mang’ang’ni. Bang’e anaketi e lwet jomahundu ma tichgi en mana ketho gik moko.

Ezekiel 23:22

To koro Oholiba, an Ruoth Nyasaye awachoni kama: Tinde iol gi chodenigo, to abiro miyo gibedo mamon kodi, kendo gibiro lwori, mi giketi diere.

Habakuk 1:6

Abiro kelo jo-Babulon, ma oganda mager kendo ma jomrima! Giwuotho e piny ngima ka gimayo jomoko nono miechgi.

Rapar mar Chik 28:49

“Ruoth Nyasaye biro kelo kuomu oganda moro moa kuma bor ma dhogi ok nuwinji. Ginimwomre kuomu mana kaka ongo mwomore kuom nyagweno.