Jeremia 6:20 - MUMA MALER 2015

²⁰ Ere tiende kelona ubani moa Sheba, kata gik mang’ue ng’ar moa e pinje maboyo? Ok anayie misengni miwang’o pep, kendo ok anabed mamor gi misengni mamoko ma gitimona.”

Motingʼo Loko Manyien

²⁰ Ere tiend ubani mangʼwe ngʼar moa kuom Sheba kata niangʼ ma milimili moa e piny mabor? Chiwo magu mag misengini miwangʼo pep ok ayiego; misango magu ok mora.”

Jeremia 6:20 ပူးပေါင်းရင်းမြစ်များ

2 Samuel 15:12

Kane Absalom timo misango, nooro wach Gilo, moluongne Ahitofel ja-Gilo, ma jang’ad rieko ni Daudi. Kamano ji mane ong’anyo ka dok ni Absalom nomedore.

1 Ruodhi 10:10

Eka nomiyo ruoth Solomon dhahabu moromo kilo alufu abiriyo, kod kite ma nengogi tek. Solomon ne ok ochako oyudo gik mang’ue ng’ar ma dirom gi mago mane ruoth madhako mar Sheba omiye.

Zaburi 40:6

Ok misango kod chiwo ema imorgo to isemiya it mondo awinji. Misengni miwang’o pep, kod misengni mag golo richo, bende ne ok idwaro.

Zaburi 66:3

Pakuru Nyasaye niya, “Mano kaka gik mitimo lich miwuoro! Tekoni duong’ ahinya, omiyo wasiki kulore gi luoro e nyimi.

Wuok 30:23

“In to ikaw gik mang’ue ng’ar, mabeyo machal kama: Manemane manumu moromo kilo apar gi dalasini moromo kilo abich, gi ondago bende kilo abich,

Ngeche 15:8

Ruoth Nyasaye mor ka joma ber lame, to omon gi misengni ma joricho chiwone.

Ngeche 21:27

Ruoth Nyasaye mon gi misango ma joricho timone, to moloyo kotimne misangono gi paro marach.

Isaya 1:11

Openjou niya, “Ere ohala mar timona misengni mogundho? Aol gi misengni mag imbe miwang’o pep, kaachiel gi boche mag jamni machwe. Bende ok agomb remb ruedhi gi mag rombe kod mag nyuogi.

Isaya 60:6

Ngamia mang’eny moa Midian gi Efa nopong’ pinyi. Giduto ginia Sheba ka gikelo dhahabu kod ubani, kendo ka gipako Ruoth Nyasaye gi wer.

Isaya 66:3

“Ng’at moyang’o rwath chalre gi ng’at monego dhano. Ng’at motimo misango gi rombo, bende chalre gi ng’at moturo ng’ut guok, kendo ng’at mochiwo misango mar cham chalre gi ng’at mochiwo remb mbidhi, bende ng’at mowang’o ubani kar rapar chalre gi ng’at molamo nyiseche manono, kendo kaka chunygi mor gi timbe makuerogo,

Jeremia 14:10

Ruoth Nyasaye wuoyo kuom jogi niya, “Gihero ringo weya kamano, kendo gibayo kamoro amora ma gihero. Kuom mano, ok amor kodgi, to aparo richo ma gisetimo, kendo abiro kumogi nikech richogigo.”

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Ezekiel 20:39

“An Ruoth Nyasaye awacho kama: Ara, un jo-Israel, koro dhiuru adhiya nyime gi tiyo ni nyisecheu manonogo! To aramo ni e giko to ubiro luora, mi ok unumi nyinga maler kethre kuom chiwo mich ni nysecheu manono.”

Ezekiel 27:22

Jolok ohala mag Sheba kod Rama to ne jong’iewo gik mane in go, ka gimiyi gik mamilimili mabeyoe moloyo, kod kite mopogore opogore ma nengogi tek kod dhahabu.

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 9:4

E pinjego ok ginyal oloe ni Ruoth Nyasaye misengni mag divai kata timone misengni mamoko. Chiemono biro miyo joma chame bed mogak mana ka joma ochamo chiemb liel, nikech ok ginyal kele e Hekalu, to gichame mana ni mondo gineggo kech.

Malaki 1:10

Ruoth Nyasaye Manyalo Gik Moko Duto owacho niya, “Da obedo maber ka ng’at achiel kuomu oloro dhorangeye mag laru mar Hekalu, mondo kik umok mach e kendona mar misango kayiem nono. Ok amor kodu, kendo ok nayie misengni muchiwona.