Jeremia 6:12 - MUMA MALER 2015

¹² Utegi gi puothegi kod mondgi bende nomi jomoko nono, nimar abiro kumo jopinyni. An Ruoth Nyasaye ema awacho kamano.

Motingʼo Loko Manyien

¹² Utegi ibiro miyo joma moko, kaachiel gi puothegi kod mondegi, ka arieyo lweta kuom jogo modak e piny,” Jehova Nyasaye owacho.

Jeremia 6:12 ပူးပေါင်းရင်းမြစ်များ

1 Weche mag Ndalo 21:16

Daudi nong’iyo malo moneno malaika mar Ruoth Nyasaye kochung’ e kind polo gi piny ka en gi ligangla e lwete ma nodwaro tiekogo Jerusalem. Daudi gi jodonge noriere piny auma ka girwakore gi pien gugru.

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 5:25

Kuom mano Ruoth Nyasaye okecho gi joge, kendo oserieyo bade kuomgi mogoyogi, mi gode otetni, kendo ringre jogo obimbore e wang’yore ka yugi. To kata kamano mirimbe pok okue, kendo pod okumogi akuma.

Isaya 9:12

Jo-Aram biro kedo kodgi gi yo wuok chieng’, to jo-Filistia biro monjogi gi yo podho chieng’, kendo gibiro mwonyo jo-Israel mana dichiel. To kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:17

Mano, emomiyo Ruoth Nyasaye ok nokech yawuotgi, bende ok nobed mamuol gi nyithi kiye kata gi mond liete, nikech giduto gin joricho, kendo gikia Nyasaye, bende ng’ato ka ng’ato kuomgi wacho mana weche mofuwo. Kata kamano, mirimb Ruoth Nyasaye ok norum, kendo pod nosik kokumogi akuma.

Isaya 9:21

To kata kamano mirimb Ruoth Nyasaye ok norum kendo pod nosik kokumogi akuma.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 21:5

An awuon abiro kedo kodu ka iya owang’, kendo ka an gi mirima mager.

Jeremia 38:22

to mon modong’ e od ruodh Juda ibiro gol, mi ter ni jotelo mag ruodh Babulon, kendo ka gidhi to giniwach niya, ‘Osiepe ruoth mogeno osewuonde, kendo gisebet ka gihewe gi rieko. Koro tinde osemoko e chuodho, omiyo osiepene oseweye!’ ”

Jeremia 38:23

Bang’ mano Jeremia nochako onyiso Zedekia niya, “Jo-Babulon nokaw mondi gi nyithindi duto, to in bende ok nitony e lwetgi. Ruodh Babulon nokawi mi teri e tuech, kendo dalani nowang’, mi rum pep.”

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Jeremia 8:10

Kuom mano mondgi kaachiel gi puothegi abiro miyo jomoko nono. Ji duto, madongo gi matindo, temo yudo pesa e yore mag miriambo, kata mana jonabi gi jodolo duto bende jomriambo,

Ywagruok 2:8

Ruoth Nyasaye osechano mondo omuk ohinga mar Sayun. Ne opime maber, kokethe mak oweyo, nyaka chop otieke pep. Omiyo ohingane oruombore piny, mi kuyo ema odong’.

Ywagruok 3:3

An ema osanda kinde duto odiechieng’ ngima.

Ywagruok 5:11

Mon gi nyiri ne omak gi thwon e Sayun kendo e miech Juda.

Ywagruok 5:2

Jopinje mamoko osekawo pinywa gi miechwa.

Ywagruok 5:3

Wachalo gi nyithindo makiye, maonge gi wuonegi. Minewa bende chalo mond liete.

Ezekiel 35:3

Nyis jopinyno ni an Ruoth Nyasaye awacho kama: An jasiku un gode mag Seir. Abiro rieyo lweta kuomu, mi akethu ulokru thim.

Ezekiel 7:24

Omiyo abiro kelo ogendini marichoe moloyo mondo okaw miechu. Abiro tieko sunga jou marateke, mi ami ogendini keth kuondeu mag lemo.

Mika 2:4

Ka kindeno ochopo, to ji nogou ngero, ka wero wend ywak niya, ‘Otiekwa chuth! Ruoth Nyasaye osekawo pinywa, mi omiyo joma oketowa e tuech!’

Zefania 1:13

Mwandugi noyaki, kendo miechgi nokethi. Giniger udi, to ok ginidagie, kendo ginipidh mzabibu, to ok ginimadh divachgi.”

Zefania 1:4

“Abiro kumo jo-Juda kod jo-Jerusalem duto, mondo atiek tich lamo Baal duto mitimo ka, mi kata mana nying jodolo manono ok nowinji.