Jeremia 6:11 - MUMA MALER 2015

¹¹ Kuom mano, Ruoth Nyasaye, mirimbi opong’a, kendo koro ohewa.” Eka Ruoth Nyasaye nowacho ni Jeremia niya, “Ol mirimba kata mana kuom nyithindo matugo e yore, kendo kuom yawuowi mochokore kanyakla. Mon gi chwo ibiro kawo koda ka joma oti mojwajni.

Motingʼo Loko Manyien

¹¹ To apongʼ gi mirima mar Jehova Nyasaye, kendo ok anyal lingʼ kode. “Ole oko kuom nyithindo manie yore, kendo kuom yawuowi mochokore kanyakla; dichwo kaachiel gi dhako gini nomaki, kod joma oti, jogo mahikgi oniangʼ.

Jeremia 6:11 ပူးပေါင်းရင်းမြစ်များ

Isaya 40:30

Joma tindo nyalo ol, mi nyosre, kata mana yawuowi mopong’ bende nyalo chwanyore, mi podhi.

Jeremia 15:17

Ne ok abet e kanyakla mar joma mor, bende ne ok aneno ber, to ne an mana kenda, ka apong’ gi siwuori, nikech tich mane imiya.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 18:21

To koro Ruoth Nyasaye, we kech oneg nyithindgi, kendo we githo e lweny. Joma chwo gi nyithindo mondo otho, kendo mon mondo odong’ mond liete, kendo maonge nyithindo. Tuoche mondo oneg jodongo, to yawuowi mondo otho e lweny.

Jeremia 20:9

To ka awacho ni abiro weyi mondo kik achak awuo e nyingi, to wachni wang’o chunya, mana ka mach. Opong’o chokena, kendo ohewa ting’o ma ok anyal siro.

Jeremia 5:9

Donge onego akumgi kuom gik ma kamago? Donge onego achul kuor ni oganda ma kama?.

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Jeremia 9:20

Jeremia nowacho niya, “Un mon, chikuru itu ni gima Ruoth Nyasaye owacho, mondo uwinj wachne. Puonjuru nyiu gi osiepeu wende ywak.

Jeremia 9:21

Tho osedonjo gie dirisewa, koda ka e miech ruodhiwa, kendo osenego nyithindo e pewe oko, kod yawuowi e chirni.”

Ywagruok 1:15

“Osenyono joga duto marateke, kendo oseluongo oganda lweny mang’ongo mondo otiek yawuota ma jolweny. Bende osenyono dala maduong’ mar Juda mana ka ng’ama nyono olemo mar bicho.

Ywagruok 2:21

Joma dongo gi joma tindo duto nindo piny e wang’ yore. Nyiga gi yawuota lweny gi kech osenego. Isenegogi ka in gi mirima. Adier, isetiekogi ka ok ikechogi ngang’.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Ezekiel 3:14

E kinde mane Roho oting’a malono, ne iya owang’, kendo abedo gi chuny lit, mi teko mar Ruoth Nyasaye nobiro kuoma.

Ezekiel 3:3

kowachona niya, “Cham kalatas mamiyini mondo oyieng’i.” Kamano ne achame, mi awinjo ka omit mana ka mor kich.

Ezekiel 9:6

Neguru joma dongo gi joma tindo, chwo gi mon, mine gi nyithindo, to kik umul ng’ato ang’ata man gi kido e lela wang’e. To chakuru timo kamano mana gie Hekalu mara.” Omiyo ne gichako mana gi jodongo mane ochung’ e Hekalu.

Mika 3:8

To an, Roho mar Ruoth Nyasaye opong’a, momiya teko gi rieko kod chir mar nyiso jo-Israel richogi.

Luka 17:34

Awachonu ni, otienono ji ariyo nobed kanindo e kitanda achiel; achiel nokaw, to machielo nowe.

Tich Joote 17:16

Kane pod Paulo rito Sila gi Timotheo Athens, nosin ahinya koneno kaka jodalano oketo chunygi kuom kido mag nyiseche manono.

Tich Joote 18:5

Kane Sila gi Timotheo josebiro koa Makedonia, Paulo noweyo tich tueng’o, mi ochiwore ni lando Wach Maber kende, konyiso jo-Yahudi ni Yesu e Mesia.

Tich Joote 4:20

To wan ok wanyal weyo mak wawuoyo kuom gik ma wan wawegi waseneno kendo wasewinjo.”

Fweny 16:1

Bang’e ne awinjo dwol maduong’ moa e Hekalu kawacho ni malaika abiriyogo niya, “Dhiuru uol tewni abiriyo mag mirimb Nyasaye e piny.”