Jeremia 52:8 - MUMA MALER 2015

⁸ To jolweny mag Babulon nolawo ruoth Zedekia, mojuko e paw Jeriko mi jolwenje duto oringo oweye.

Motingʼo Loko Manyien

⁸ to jolwenj Babulon nolawo Ruoth Zedekia kendo ojuke e pewe mag Jeriko. Jolweny mage duto noringo oweye moke,

Jeremia 52:8 ပူးပေါင်းရင်းမြစ်များ

Jeremia 21:7

To Zedekia ruodh Juda gi jodonge kod jodalani duto ma otony e lweny, kendo otony e kech gi tuo, abiro keto e lwet ruoth Nebukadnezar, kendo e lwet wasikgi ma dwaro negogi. Nebukadnezar biro negogi, kendo ok obi weyogi kata kechogi kata timonigi ng’wono. An Ruoth Nyasaye awacho kamano!”

Jeremia 32:4

kendo ni ruoth Zedekia ok notony e lwet jo-Babulon, to ibiro make mi tere e nyim ruodh Babulon mi enonene wang’ gi wang’, kendo nowuo kode dhok gi dhok.

Jeremia 34:21

Bende abiro chiwo Zedekia ruodh Juda gi jodonge e lwet joma dwaro negogi, kendo abiro ketogi e lwet jolweny mag ruodh Babulon ma koro oseweyo monjou.

Jeremia 37:17

Ruoth Zedekia nogolo chik moter Jeremia ire, kendo kane Jeremia obiro, nopenje ling’ling’ niya, “Bende Ruoth Nyasaye osewachoe wach moro?” Jeremia nodwoke niya, “Ee, osewacho wach moro!” Eka nodhi nyime kowachone ni ruodh Babulon biro make.

Jeremia 37:18

Bang’ mano Jeremia nopenjo Zedekia niya, “Ere gima asekethoni kata ni jodongi kata ni jogi momiyo iketa e tuech?

Jeremia 38:23

Bang’ mano Jeremia nochako onyiso Zedekia niya, “Jo-Babulon nokaw mondi gi nyithindi duto, to in bende ok nitony e lwetgi. Ruodh Babulon nokawi mi teri e tuech, kendo dalani nowang’, mi rum pep.”

Jeremia 39:5

To jolweny mag Babulon nolawogi, mojuko Zedekia e paw Jeriko. Ne gimake mi gitere ir ruoth Nebukadnezar, mane oyudo ni Ribla e gweng’ Hamath, mong’adone bura kuno.