Jeremia 52:6 - MUMA MALER 2015

⁶ Koro kech ne lich e dalano, kendo ji ne onge gi chiemo chuth. Chieng due ochiko due mar ang’wen,

Motingʼo Loko Manyien

⁶ E odiechiengʼ mar ochiko e dwe mar angʼwen kech mane ni e dala maduongʼno nomedore makoro ne onge chiemo mane ji nyalo chamo.

Jeremia 52:6 ပူးပေါင်းရင်းမြစ်များ

2 Ruodhi 25:3

Koro kech ne lich e dalano, kendo ji ne onge gi chiemo chuth.

Isaya 3:1

Winjuru! An Ruoth Nyasaye Manyalo Gik Moko Duto abiro tieko chiemo kod pi e Jerusalem gi Juda, kendo abiro golo ji duto ma ugeno kuomgi,

Jeremia 15:2

To ka gipenjo ni gidhi kanye, to nyisgi ni Ruoth Nyasaye owacho kama: Jomoko kuomu tuo biro nego, kendo mano e kuma gibiro dhiye! To moko biro tho e lweny, kendo kuno ema gibiro dhiye! Bende moko kech biro nego, mi kuno ema gibiro dhiye! To moko ibiro tero e tuech, kendo kuno ema gibiro dhiye!

Jeremia 19:9

Anami ji modak ka cham ringre nyithindgi giwegi. Bende ginicham ringre jowadgi e kinde marach ma wasigu nobed ka lworo dalagi, ka dwaro negogi.”

Jeremia 21:9

Ng’ato ang’ata modong’ Jerusalem, lweny kata kech kata tuo noneg, to ng’ato ang’ata modhi ochiwore e lwet jo-Babulon ma koro monjo dalani, ok nonegi. To enores mana ngimane kende.

Jeremia 25:10

Abiro tieko mor gi ilo ma gin go, ma kata dwond mon ma miehni gi chwogi ok nowinji. Ponge bende ok nowinji ka rego, kendo anasim techegi.

Jeremia 37:21

Omiyo ruoth Zedekia nogolo chik mondo otue Jeremia e laru mar od jorit. Ne imiye makati achiel odiechieng’ kodiechieng’ mogol kuom jolos makati, nyaka makati duto norumo Jerusalem. Kamano Jeremia nosiko asika kotue e laruno.

Jeremia 38:9

“Jaduong’, jogi osetimo gima ok ber. Gisenyumo Jeremia e soko kama kech biro negee nikech chiemo onge e dala duto.”

Jeremia 39:2

Kamano chieng’ due ochiko due mar ang’wen e higa mar apar gauchiel mar loch ruoth Zedekia, ne omuk ohinga mar Jerusalem.

Ywagruok 1:11

Jo-Jerusalem duto ywagore ka kwayo chiemo. Giloko mwandugi mondo giyudgo chiemo, odwoknigi tekregi. Dala Jerusalem wacho niya, “A Ruoth Nyasaye, rang ineye kaka ikwana ka gima nono!

Ywagruok 5:10

Dendwa liet mana ka mach nikech tuo ma kech okelonwa.

Ezekiel 14:13

“In wuod dhano, ka jopiny moro otimo richo kendo oweya, to anabi, mi aketh chambgi. Anakel kech mondo oneg ji kod jamni machalre.

Ezekiel 14:21

“Koro an Ruoth Nyasaye awacho kama: Ka kamano, Jerusalem none malit machal nadi, ka akumogi gi lweny gi kech gi ondiegi kod tho marach, ma gin kumna ang’wen marichoe moloyo, mabiro nego ji kod jamni machalre?

Ezekiel 31:1

Chieng’ mokwongo mar due mar adek, e higa mar apar gachiel, Ruoth Nyasaye nowuoyo koda, mowachona niya,

Ezekiel 5:16

Anatiek chiembu, mondo kech onegu, mana ka gima achielou gi asere motimo kwiri

Ezekiel 7:15

Lweny gore oko, to tuo kod kech nie mier. Ng’ato ka ng’ato man oko biro tho e lweny. Joma nie mier to tuo gi kech biro nego.

Tim jo-Lawi 26:26

Anami chiembu doko manok, mi agulu achiel norom mon apar tedoe. Ginipimnu chiemo mana e rapim, kendo kata kuchiemo, to ok unuyieng’ ngang’.

Zekaria 8:19

“Kinde mag riyo kech e due mar ang’wen gi mar abich gi mar abiriyo kod mar apar biro lokore sewni mag mor gi ilo ni jo-Juda. Omiyo beduru gi adiera kod kue.”

Rapar mar Chik 32:24

mi kech nokagi, kendo midhusi notuogi, kendo tuoche maricho nogogi, bende naol kuomgi ondiegi mangemo, kod thuonde man gi kwiri mager.