Jeremia 52:20 - MUMA MALER 2015

²⁰ Pek mula mane ruoth Solomon olosogo sirni ariyo gi karaya maduong’ kod ruedhi apar gariyo mane orenjie karayano ne ng’eny mokadho apima.

Motingʼo Loko Manyien

²⁰ Mula mane ogolo e sirni ariyo, gi Karaya Maduongʼ kod rwedhi apar gariyo mag mula e bwoye kod rachungi minyalo tingʼ mane Ruoth Solomon olosone hekalu mar Jehova Nyasaye, ne pek ma ok nyal pim.

Jeremia 52:20 ပူးပေါင်းရင်းမြစ်များ

1 Ruodhi 7:25

Norenje e ng’e ruedhi apar gariyo mag mula. Ruedhi adek nomanyo yo nyandwat, to adek yo podho chieng’, adek yo milambo, kendo adek yo wuok chieng’. To wigi nodok ka iye. Kamano e kaka noten Namno e dieng’e ruedhigo.

1 Ruodhi 7:47

To Solomon ne ok opimo pek gigo, nikech ne ging’eny ahinya. Omiyo pek mula mane olosgigo ne ok ong’ere.

2 Ruodhi 25:16

Pek mula mane ruoth Solomon olosogo sirni ariyo gi karaya maduong’ ne ng’eny mokadho apima.

1 Weche mag Ndalo 22:14

“Kata obedo ni an gi thagruok mang’eny, to koro aseiko ni Od Ruoth Nyasaye dhahabu ma dirom kilo tara adek, kod fedha moromo kilo tara piero adek gabich, kaachiel gi mula kod nyinyo mokadho apima. Yien gi kite bende aseiko. In bende nyaka imed moko.

2 Weche mag Ndalo 4:18

Solomon noloso gik mathoth ahinya, ma pek mula molosgigo ne ok ong’ere.

Jeremia 52:17

Jo-Babulon notoyo sirni mag mula gi rachungi mane itiyogo e Hekalu kod karaya maduong’ mar mula ma bende ne ni kanyo. Bang’e ne gitero mulago duto Babulon.