Jeremia 52:13 - MUMA MALER 2015

¹³ Ne owang’o Hekalu mar Ruoth Nyasaye gi od ruoth kod ut joma dongo duto,

Motingʼo Loko Manyien

¹³ Nowangʼo hekalu mar Jehova Nyasaye, kar dak ruoth kod udi duto man Jerusalem. Bende nowangʼo udi duto moger mabeyo.

Jeremia 52:13 ပူးပေါင်းရင်းမြစ်များ

1 Ruodhi 9:8

To bende Hekaluni nodong’ gunda, kendo ji duto ma kadho bute nowuor kendo nohum, ka gipenjo niya, ‘Ang’o momiyo Ruoth Nyasaye osetimo gima kama ni pinyni gi Hekaluni?’

2 Ruodhi 25:9

Nowang’o Od Ruoth Nyasaye, gi od ruoth, kod udi duto mag Jerusalem,

2 Weche mag Ndalo 36:19

Ne giwang’o Od Nyasaye, mi gimuko ohinga mar Jerusalem. Ne giwang’o ut ruoth duto, kendo ne giketho gik moko duto ma nengogi tek man Jerusalem.

Zaburi 79:1

A Nyasaye, ogendini ma ok ong’eyi osedonjo e piny jogi iwuon. Gisemiyo Hekalu mari maler obedo mogak, mi giketho Jerusalem chuth.

Jeremia 19:13

Naketh udi mag Jerusalem gi ut ruodhi Juda, to moloyo udi duto ma osewang’ ubani ewi tetgi ni sulue, kendo ma osepukie lisweche miolo piny ni nyiseche mamoko, mi ginibed mogak mana ka Tofeth.”

Jeremia 21:10

Aseng’ado wach ni ok anyal weyo dalani, to nyaka akethe. Ibiro kete e lwet ruodh Babulon, kendo obiro wang’e morum pep. An Ruoth Nyasaye ema awacho kamano!”

Jeremia 21:14

To an Ruoth Nyasaye abiro kumou mana maromre gi kethou. Abiro wang’o od ruodhu gi mach ma nowang’ gik moko duto machiegni kode. An Ruoth Nyasaye ema awacho kamano.”

Jeremia 22:14

En gima lit manadi kuom ng’at mawacho ni obiro gero ot marang’ongo man gi udi madongo malo. Bang’e oketne dirise mi ochwade gi yiend sida, kendo owire gi range maber.

Jeremia 32:29

Jo-Babulon ma koro monjo Jerusalem biro moke mach, mi obiro wang’ pep kaachiel gi udi ma ji osebedo kawang’o ubani ni Baal e tetgi, kendo timoe misengni miolo piny ni nyiseche mamoko, ka gimiyago mirima.

Jeremia 34:22

Adier, abiro golo chik, mi jo-Babulon-go biro duogo monjo dalani mi gikaw, kendo giwang’ pep. Abiro ketho miech Juda, mi lokre thim maonge ng’ama dakie. An Ruoth Nyasaye ema awacho kamano.”

Jeremia 38:23

Bang’ mano Jeremia nochako onyiso Zedekia niya, “Jo-Babulon nokaw mondi gi nyithindi duto, to in bende ok nitony e lwetgi. Ruodh Babulon nokawi mi teri e tuech, kendo dalani nowang’, mi rum pep.”

Jeremia 6:5

To ikreuru, nimar wabiro monjogi kawuono gotieno, mi wamuk ut Jerusalem mabeyo kendo madongo.”

Jeremia 7:14

Omiyo abiro timo ni Hekalu mara mugeno kuome mana kaka natimo ni Shilo. Kata mana dalau mane amiyo kwereuni, bende abiro timone kamano.

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Ywagruok 2:6

Osegolo gik moko duto e Hekalu mare, mi odong’ nono mana ka kiru mowe e puodho. Adier, kama ler ma joge chokoree osemuko chuth. Ruoth Nyasaye osemiyo wi ji owil gi sewni madongo kod Sabato e Sayun, kendo osejwang’o ruoth kod jodolo ka iye owang’.

Ywagruok 2:7

Osedagi kendone mar misango mi ojwang’o Hekalu mare. Nochiwo ut Sayun madongo e lwet wasigu, mi gigoyo koko e od Ruoth Nyasaye mana machal gi koko migoyo chieng’ sawo maduong’.

Ywagruok 2:8

Ruoth Nyasaye osechano mondo omuk ohinga mar Sayun. Ne opime maber, kokethe mak oweyo, nyaka chop otieke pep. Omiyo ohingane oruombore piny, mi kuyo ema odong’.

Ezekiel 16:41

Giniwang’ uti, mi gikumi, mana ka mon mang’eny neno. Kamano anatiek timbeni mag chode, mi iwe chiwo gik moko ni osiepeni.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Amos 2:5

Kuom mano abiro oro mach e piny Juda mondo owang’ kuonde mochiel motegno mag Jerusalem.”

Amos 6:11

Ruoth Nyasaye biro golo chik, mi udi madongo nomuki, mi lokre pidhe, to matindo noteng’ matindo tindo.

Mika 3:12

Gik mutimo ma kamagogo biro miyo ipuro Sayun ka puodho, mi Jerusalem lokre gunda, kendo god Hekalu lokre bungu.

Zekaria 11:1

A Lebanon, yaw dhorangeyeni, mondo mach owang’ yiendi mabeyo mag sida!

Mathayo 24:2

To nodwokogi ni, “Donge uneno gigi duto? Awachonu adier ni onge kata kidi achiel mabiro dong’ kochung’ ewi wadgi, to giduto nowitgi piny.”