Jeremia 52:11 - MUMA MALER 2015

¹¹ Bang’e nogolo chik, motok wenge Zedekia oko, kendo notueye gi nyororo, motere Babulon e tuech. Nosiko e od tuech nyaka otho.

Motingʼo Loko Manyien

¹¹ Eka nogolo wenge Zedekia oko, notweye gi rateke mag mula kendo notere Babulon, kama ne okete e od twech nyaka chiengʼ mano thoe.

Jeremia 52:11 ပူးပေါင်းရင်းမြစ်များ

Jeremia 21:7

To Zedekia ruodh Juda gi jodonge kod jodalani duto ma otony e lweny, kendo otony e kech gi tuo, abiro keto e lwet ruoth Nebukadnezar, kendo e lwet wasikgi ma dwaro negogi. Nebukadnezar biro negogi, kendo ok obi weyogi kata kechogi kata timonigi ng’wono. An Ruoth Nyasaye awacho kamano!”

Jeremia 39:7

Bang’e nogolo wenge Zedekia oko, mi otueye gi nyororo mondo otere Babulon.

Ywagruok 2:6

Osegolo gik moko duto e Hekalu mare, mi odong’ nono mana ka kiru mowe e puodho. Adier, kama ler ma joge chokoree osemuko chuth. Ruoth Nyasaye osemiyo wi ji owil gi sewni madongo kod Sabato e Sayun, kendo osejwang’o ruoth kod jodolo ka iye owang’.

Ezekiel 12:13

Anayar tonda, mi amakego. Bang’e anatere e dala mar Babulon e piny jo-Kaldea, kuma enothoye ka ok oneno dalano gi wang’e.

Ezekiel 17:16

“An Ruoth Nyasaye awacho kama: Kaka an e Nyasaye mangima, ruodhni biro tho e piny Babulon, nimar oseketho singruok mane otimo kokuong’ore ni ruodh Babulon, mane okete e tich ruoth.

Ezekiel 23:24

Gibiro monji gi yo nyandwat ka gin gi oganda lweny maduong’ kod geche lweny gi geche mamoko. Gin gi kuodi gi okumbni kod ogut lweny, kendo gibiro lwori mi giketi diere. Abiro chiwi e lwetgi, kendo gining’adni bura, kaluwore gi chikgi giwegi.