Jeremia 51:58 - MUMA MALER 2015

⁵⁸ Ohinga mapek mar Babulon ibiro ruomb piny, kendo dhorangeyene maboyo nowang’ pep. Tich maduong’ mane ogendini tiyo koro nobed gima nono, nikech tichgi duto koro osewang’ morumo pep. An Ruoth Nyasaye Manyalo Gik Moko Duto ema awacho kamano.”

Motingʼo Loko Manyien

⁵⁸ Ma e gima Jehova Nyasaye Maratego wacho: “Ohinga mar Babulon mangʼongo nolwar piny kendo dhorangeye mage maboyo nomoke mach; ji chandore kayiem nono, tich matek mar jotich en mana ramoki mach.”

Jeremia 51:58 ပူးပေါင်းရင်းမြစ်များ

Zaburi 127:1

Ka ok Ruoth Nyasaye ema ogero ot, to tich gedo odhi kanono, kendo ka ok en ema orito dala, to tich jorito ok nyal gimoro!

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Isaya 47:13

Isechandori gi jogi mang’adoni rieko kuom ndalo mang’eny, to koro we jokor wach ma rango polo gi sulue, kendo manyisi gik mabiro timore due ka duego, otim ane chir mondo oresi, ka ginyalo!

Isaya 65:23

Ok giniketh tekregi kayiem, bende ok gininywol nyithindo maneno masira, nimar gin, kaachiel gi nyithindgi, gin joma Ruoth Nyasaye oguedho.

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Jeremia 51:44

Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Jeremia 51:64

Bang’ mano iwach niya, ‘Mano e gima biro timore ni Babulon. Kaka kidini onyumore e pi, e kaka Babulon bende nonyumre e masira ma Ruoth Nyasaye biro kelo kuome, mi ok nochak owuog kendo.’ ” Mano e giko weche Jeremia.

Jeremia 51:9

Jo-pinje mamoko modak kuno nowacho niya, ‘Ne watemo konyo Babulon, to kata kamano kinde nosekadho. Koro biuru, wawuogi mondo wadog thuchewa, nimar osekum Babulon gi kum malich mochopo nyaka e polo.’

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Ywagruok 5:5

Wasandore malit gi jok mapek e ng’utwa. Inegowa gi tich, ma ok wanyal yudo yueyo.

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?