Jeremia 51:51 - MUMA MALER 2015

⁵¹ Uwacho niya, ‘Ji oseyanyowa, omiyo wiwa okuot, nikech jopinje mamoko osedonjo kuonde maler mag Hekalu.’

Motingʼo Loko Manyien

⁵¹ “Ochawa, nimar oseyanywa kendo wichkuot oumo wengewa, nikech joma oa e pinje mamoko osedonjo e kuonde maler mar od Jehova Nyasaye.”

Jeremia 51:51 ပူးပေါင်းရင်းမြစ်များ

Zaburi 109:29

We wasika wigi okuodi, mi girwak wichkuot ka kandhu.

Zaburi 71:13

Joma nega onego lo kendo rum. Adier, mad kuod wi joma dwaro hinya, mi ng’eng’ nono.

Zaburi 79:1

A Nyasaye, ogendini ma ok ong’eyi osedonjo e piny jogi iwuon. Gisemiyo Hekalu mari maler obedo mogak, mi giketho Jerusalem chuth.

Zaburi 79:12

Ruoth, chul kuor ni ogendini mamokogo nyadibiriyo kuom achaya ma gichayigo.

Zaburi 79:4

Ogendini mokiewo kodwa goyonwa siboi, ka nyierowa kendo jarowa.

Zaburi 89:46

A Ruoth Nyasaye, ibiro pando wang’i nyaka karang’o? Koso ibiro pondo nyaka chieng’? Nyaka karang’o ma mirimbi biro wang’ie ka mach?

Isaya 13:1

Ma e wach mane Nyasaye onyiso Isaya wuod Amoz kuom Babulon e fweny:

Isaya 14:1

Ruoth Nyasaye biro kecho jo-Israel ma nyikwa Jakobo, mi ochak oyiergi, kendo oketgi e pinygi giwegi. Jopinje mamoko nobi mondo odag kodgi, mi gilokre jo-Israell.

Isaya 21:1

Wach mane Nyasaye onyiso e fweny kuom thim man but nam e ma: E fweny malichno nanenoe kalausi mager kaa e thim man yo milambo, ma en piny ma ji oluoro.

Isaya 47:1

In Babulon, dala ma pok olo, bed piny e lowo. Ee, in dala maduong’ mar jo-Kaldai, we komlochni, ibed piny e buru. Ji ok nochak odendi ka gima in nyako ma dende yom, kendo mosedak e ngima maber!

Jeremia 14:3

Jodongo oro jotichgi mondo oumbnigi, to ka gichopo e sokni, to ok giyud pi, omiyo giduogo gi dapige nono. Giumo wigi nikech gidhier nono, kendo gikia gima ginyalo timo.

Jeremia 25:26

kaachiel gi ruodhi duto mag pinje man yo nyandwat, kuonde maboyo gi machiegnni duto. Jopinjego duto ne omi omadho kikombeno. Bang’e mogik, ruodh Babulon biro madhe.

Jeremia 31:19

Kata obedo ni ne wabaro mi waweyi, to piyopiyo nono ne wadwaro duogo. Kane isekumowa, to ne wakulo wiwa kwakuyo. Wiwa ne okuot ka chunywa lit, nikech richo mane watimo kapod wayom.’

Jeremia 52:13

Ne owang’o Hekalu mar Ruoth Nyasaye gi od ruoth kod ut joma dongo duto,

Ywagruok 1:10

Wasigu osekawo mwandune duto. Oseneno joma ok jo-Israel ka donjo e Hekalu mare. Gin ogendini mane Ruoth Nyasaye, ikwero ni kik donji e chokruok maler, nimar en chokruok mari.

Ywagruok 2:20

Yaye Ruoth Nyasaye, rang mondo ineye joma isesando malit! Bende mon dicham nyithindgi ma giserito maber? Koso jodolo gi jonabi dineg adier e Hekalu mari?

Ywagruok 5:1

A Ruoth Nyasaye, parie gima osetimorenwa! Rangwa mondo ineye kaka wiwa okuot malit.

Ezekiel 24:21

mowachona ni mondo anyisu, un jo-Israel, ni owacho kama: Usungoru ni Hekalu otegno. Kunene, to umor kendo uhero donjoe. To koro an Ruoth Nyasaye abiro loke gima kuero, kendo yawuotu gi nyiu modong’ Jerusalem none e lweny.

Ezekiel 36:30

Adier, anami olembu nyag mang’eny, kendo chambu chieg mathoth, mondo kik uchak ubed gi kech ma dikuod wiu e kind ogendini.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Ezekiel 9:7

Bang’e Nyasaye nowachonigi niya, “Dwanyuru Hekalu mondo obed mogak, kudhuro ringre joma otho e lerni mage. Koro wuoguru uchak tich.” Kamano ne giwuok mi gichako nego ji e dala mar Jerusalem.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Amos 7:9

Kuonde ma joka Isaka lemoe ibiro kethi, kendo kuonde maler duto mag Israel biro kethore, bende abiro biro mondo aked gi dhood Jeroboam.”

Mika 6:16

Useluwo timbe maricho mag ruodh Omri, gi mag dhood Ahab, kendo pok uweyogi. Omiyo abiro tiekou, mi jou bed joma ichayo. Adier, ogendini mamoko duto biro mana charou.”

Mika 7:10

Bang’e wasika mane penja ni, ‘Ere Nyasachi nogono?’ None gima osetimore, mi wigi nokuodi. Eka ananegi ka oselogi, kendo onyon-gi piny ka chuodho ma e wang’ yo.