Jeremia 51:46 - MUMA MALER 2015

⁴⁶ Kuwinjo wach moro marach, kaka wach lweny, kata ni ruoth moro kedo gi wadgi, to kik chunyu parre, kata kik ubed maluor, nikech higa ok kadhi mak weche makamago olandore.

Motingʼo Loko Manyien

⁴⁶ Kik chunyu jogi kata bedo maluor ka wach mofwongʼ owinjore e piny; wach mofwongʼ achiel biro higani, machielo noluwe, wach mofwongʼ mar masira e piny, kendo mar jatelo ma ok dwar, jatelo machielo.

Jeremia 51:46 ပူးပေါင်းရင်းမြစ်များ

2 Ruodhi 19:7

nikech abiro miye chuny man gi kibaji, mi, kowinjo wach moro marach, to noring odog e pinye, kuma nami onegee.’ ”

2 Weche mag Ndalo 20:23

Noyudo ka jo-Amon kod jo-Moab onywako ni jo-got Seir, motieko chuth, kendo kane gisetiekogi kamano, ne gichako negore kendgi giwegi.

Ayub 23:16

Nyasaye Ma Nyalo Gik Moko Duto oseketho chir mane an-go. En mana Nyasaye ema miya luoro, to ok mudho, kata obedo ni mudho dino wang’a kamano.

Ngeche 24:10

Ka tekri orumo chieng’ ma chandruok omaki, to mano nyiso ni tekoni tin.

Isaya 19:2

Owacho niya, “Abiro thuwo jo-Misri e kindgi giwegi, mi ng’ato ka ng’ato gore gi wadgi. Dala ka dala noked gi dala machielo, kendo gweng’ ka gweng’ bende noked gi wadgi.

Isaya 43:5

An kodu, omiyo kik ubed maluor. Abiro chokou, ka agolou yo wuokchieng’ gi yo podho chieng’, kaachiel gi nyithindu.

Jeremia 46:27

“To un nyikwa Jakobo jatichna, kik ubed maluor. Ee, un jo-Israel kik chunyu parre, nikech abiro resou mi agolu e piny mabor kuma otueueno. Ubiro duogo mi udag gi kue, maonge gima thagou, kendo ng’ato ok nobuogu.

Jeremia 46:28

Kik uluor, nikech an kodu. Abiro tieko ogendini duto kuonde duto ma asekeyoue, to un ok natieku. To kata kamano, abiro kumou moromo gi timbeu. An Ruoth Nyasaye ema awacho kamano.”

Luka 21:28

Ka gigo ochako timore, to chung’uru tir, kendo ting’uru wiu, nikech warruok maru okayo machiegni.”

Jong’ad Bura 7:22

Ji mia adekgo nomedo goyo tungegi, mi Ruoth Nyasaye nomiyo ji duto mane ni e kambi ochako kedo kendgi giwegi. Ne giringo nyaka Beth-shita e yo mochomo Zerera, mi gichopo e tong’ Abel-mehola man but Tabath.