Jeremia 51:44 - MUMA MALER 2015

⁴⁴ Abiro kumo Bel nyasach Babulon, mi ami ong’og oko gik mosekwalo, kendo ogendini ok nochak olame kendo. “Ohinga mar Babulon osepodho! Un jo-Israel, ringuru ua kuno.

Motingʼo Loko Manyien

⁴⁴ Anakum Bel e Babulon kendo anami ongʼog gima ne osemuonyo. Ogendini ok nochak ochokre ire. Kendo ohinga mar Babulon nogore piny.

Jeremia 51:44 ပူးပေါင်းရင်းမြစ်များ

2 Weche mag Ndalo 36:7

Nebukadnezar nokawo bende bath gik moko mag Od Ruoth Nyasaye, motero Babulon e ode.

Ayub 20:15

Nyasaye miyo jaricho dwoko mwandu ma osekwalo, mana ka ng’ama ng’ogo gima osechamo.

Isaya 2:2

“E ndalo mabiro, got ma Hekalu ochung’ie nobed mabor moloyo gode moko duto, kendo ogendini duto nodhi kanyo,

Isaya 21:9

to koro echa aneno joidh farese ka biro, kaachiel gi geche lweny ma farese ariyo ariyo ywayo.” Eka nawinjo dwoko niya, “Babulon osepodho! Osepodho, kendo nyisechene manono osemuki moriere piny.”

Isaya 60:5

Kineno kamano to inibed mamor, mi chunyi pong’ gi ilo. Mwandu mogundho mag ogendini mopogore opogore nokelni gi yiedhi.

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Jeremia 51:18

Gin gik manono moromo chayo, kendo gibiro rumo chieng’ ma Ruoth Nyasaye biro mondo otiekgi.

Jeremia 51:34

Ruodh Babulon nokango Jerusalem mochamo. Osenyodho dalano, mobolo kucha mana ka agulu ma iye ni nono, kendo omwonye mana ka ondiek. Ne okawo mana gik mabeyo modwaro, to owito mago ma ok odwar.

Jeremia 51:47

Kinde biro ma anakumie nyiseche manono mag Babulon, mi piny Babulon noyud wichkuot, kendo joge duto noneg e lweny.

Jeremia 51:53

Kata da bed ni Babulon nyalo idho, mi tundi e polo, kendo ger udi motegno kuno, to pod daor ji mondo okethe. An Ruoth Nyasaye ema awacho kamano.

Jeremia 51:58

Ohinga mapek mar Babulon ibiro ruomb piny, kendo dhorangeyene maboyo nowang’ pep. Tich maduong’ mane ogendini tiyo koro nobed gima nono, nikech tichgi duto koro osewang’ morumo pep. An Ruoth Nyasaye Manyalo Gik Moko Duto ema awacho kamano.”

Daniel 1:2

Ruoth Nyasaye nochiwo Jehoyakim e lwet Nebukadnezar, kaachiel gi gik lemo moko mane pod odong’ ei Hekalu, Jerusalem. Ruoth Nebukadnezar nokawogi, moterogi Babulon ei hekalu mar nyisechene, mi okano gik Hekalu mane oyakogo e od kenone.

Daniel 3:29

Kuom mano, koro agolo chik ni, ng’ato ang’ata ma owuoyo marach kuom Nyasach Shadrak gi Meshak kod Abednego, to ibiro jak embene gi bedene, bed ni oa e oganda mane, kata dhoot mane, kata owacho dhok mane, kendo nolok ode gunda, nimar onge nyasaye moro amora manyalo reso ji kamano.”

Daniel 4:1

Ruoth Nebukadnezar nolando wach ni ogendini duto mae piny ngima, bed ni gia e dhoot mane, kata bed ni giwacho dhok mane. Nowachonigi niya, “Amosou gi mos mogundho.

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Daniel 5:19

Omiyo ogendini duto mae piny ngima, bed ni gia e dhoot mane kata giwacho dhok mane, ne oluore kendo ne tetni e nyime. Kapo ni ne odwaro nego ng’ato, to onego anega, kata kane odwaro weyo ng’ato ka ngima, to oweyo aweya. Ne onyalo miyo ng’ato teko, kata mayogo tekono, mana kaka en ema ohero.

Daniel 5:26

kendo magi e tiend weche gogo: KWAN nyiso ni Nyasaye osekwano ndalo mag lochni, mi otieko lochnino.

Daniel 5:31

mi Darius ja-Media okawo loch pinyno, ka en jahigni piero auchiel gariyo.