Jeremia 51:41 - MUMA MALER 2015

⁴¹ “Osekaw Babulon dala maduong’ ma piny duto pako. Oselokore gima bwogo ogendini.

Motingʼo Loko Manyien

⁴¹ “Mano kaka Sheshak nomaki, sunga mar piny ngima norum! Mano kaka Babulon nobedi gima lich makelo bwok e kind ogendini!

Jeremia 51:41 ပူးပေါင်းရင်းမြစ်များ

2 Weche mag Ndalo 7:21

Ji duto makadho but Hekalu, ma koro duong’ kamani, nowuor ka gipenjo niya, ‘Ang’o momiyo Ruoth Nyasaye osetimo gima kama ni pinyni kendo ni Hekaluni?’

Isaya 13:19

Kamano, kata obedo ni Babulon, en dala maberie moloyo mier mag pinje mamoko duto, kendo ma jo-Babulon sungorego, to Nyasaye nokethe mana kaka noketho Sodom gi Gomora.

Isaya 14:4

to ginigo agoro ni ruodh Babulon ka giwer kama: “Neyeuru kaka giko mar josand ji chalo, kendo kaka sungane otieki.

Jeremia 25:26

kaachiel gi ruodhi duto mag pinje man yo nyandwat, kuonde maboyo gi machiegnni duto. Jopinjego duto ne omi omadho kikombeno. Bang’e mogik, ruodh Babulon biro madhe.

Jeremia 49:25

Dala marahuma mane mor chono, ji osedarie pep.

Jeremia 50:23

Babulon ne chalo gi nyundo mane ogoyo piny ngima, to koro nyundono otur matindotindo. Jopinje duto obwok kuom gima osetimorene.

Jeremia 50:46

Ka olo Babulon, to koko nogore matek, mi piny noyiengni, kendo ogendini mamoko nowinj kokone.”

Jeremia 51:37

Babulon nodong’ gunda ma ondiegi ema dakie. Nobed kama bwogo ji ma onge ng’ama odakie, kendo kibaji nogo ji duto moneno gima osetimorene.

Ezekiel 27:35

Ng’ato ka ng’ato modak e dhonam, kihondko goyo kuom gima osetimoreni. Kata mana ruodhi maggi bende obwok, mi remb ringregi oo.

Daniel 2:38

mondo irit ji, kaachiel gi le kod winy, kuonde duto ma gintie. Kamano ruoth, in e wich mar dhahabuno.

Daniel 4:22

“Ruoth, in e yadhno! Irabora kendo itegno. Tekoni osedongo mochopo e polo, kendo lochni okwako piny ngima.

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Rapar mar Chik 28:37

Nyingu nolokre ka ngero, kendo gima ji jaro kendo nyiero.