Jeremia 51:39 - MUMA MALER 2015

³⁹ Kara, ka giowore kamano, to abiro losonigi sawo! Abiro miyogi gimer, mi gibed mamor, to bang’e nindo notergi ma ok ginyal chiew kendo.

Motingʼo Loko Manyien

³⁹ To ka ochiewgi, analosnigi nyasi mi gimer, mondo gikog gi mor; eka ginindi nyaka chiengʼ ma ok ginichiew,” Jehova Nyasaye wacho.

Jeremia 51:39 ပူးပေါင်းရင်းမြစ်များ

Zaburi 13:3

A Ruoth Nyasacha, ranga mondo idwok kwayona. Dwokna tekona mondo kik atho,

Jeremia 25:27

Eka Ruoth Nyasaye nowachona niya, “Nyis ji ni an Ruoth Nyasaye Manyalo Gik Moko Duto kendo Nyasach Israel, achikogi mondo gimethi, mi gimer kendo ging’ogi nyaka gipodh piny ma ok ginyal kata chung’, nikech lweny ma abiro kelonigi.

Jeremia 48:26

“Miuru jo-Moab kong’o mondo omer, nikech gisedagi winjo chikna, an Ruoth Nyasaye. Gibiro ng’ielore e ng’okgi giwegi, kendo ji biro nyierogi.

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Daniel 5:30

To otieno nogo ema nonegie Belshazar ruodh Babulon,

Nahum 1:10

Giduto giniwang’ pep mana ka kudho mochoki, kata ka tiang’ motwo.

Nahum 3:11

Kamano e kaka in Nineve bende ibiro kwang’ ka ng’at momer, mi piny chami, kendo inimany kar tony kiringo wasigu.

Nahum 3:18

A yaye ruodh Asuria, jodongi oriere piny kotho, bende jogi oke e kor gode ka onge ng’at machokgi.