Jeremia 51:32 - MUMA MALER 2015

³² Gisekawo dhowedhe, kendo giwang’o odundu gi mach, mi kibaji ogoyo jolweny mag Babulon.

Motingʼo Loko Manyien

³² kuonde mikalogo aora osemuki, odundu wangʼ, kendo jolweny luoro omako.”

Jeremia 51:32 ပူးပေါင်းရင်းမြစ်များ

Isaya 44:27

Nam matut, to awachone niya, ‘Duon! Abiro miyo aoreni two kururu.’

Isaya 47:14

To winji, gichalo tiang’ ma mach wang’o. Ok ginyal kata mana resore gin giwegi e mach, kendo majno ok nobed mach maberber, minyalo bet bute kioyo.

Jeremia 51:30

Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Jeremia 51:31

Joote mang’eny ringo kaa koni gi koni mondo onyis ruodh Babulon ni wasigu osemwomo ohinga kuonde duto.

Jeremia 51:33

Chieng’ keyo osechopo machiegni! Piyopiyo nono wasigu biro negogi, mi nyon-gi ka cham midino. Ruoth Nyasaye Manyalo Gik Moko Duto kendo ma Nyasach Israel ema owacho kamano.”

Jeremia 52:7

jo-Babulon nomwomo ohinga mar dala, mi Zedekia notemo ringo gi jolwenje duto gotieno, kata obedo ni jo-Babulon nosedhogo dala koni gi koni kamano. Ne giluwo rangach mane ni e kind ohingni ariyo, ka ging’ado orundu ruoth, mi gichiko holo mar Jordan.