Jeremia 51:30 - MUMA MALER 2015

³⁰ Jolweny mag Babulon oringo lweny, mopondo mana kuonde mochiel motegno. Luoro omakogi, mi koro gichalo mana mon. Dhorangeye dala osemuki, mowang’ udi gi mach.

Motingʼo Loko Manyien

³⁰ Jolwenj Babulon oseweyo kedo; gidongʼ e kuondegi mochiel motegno mag lweny. Tekogi orumo; gisebedo ka mon. Kuondegi mag dak osemoke mach; lodi mage mag rangeye otur.

Jeremia 51:30 ပူးပေါင်းရင်းမြစ်များ

Zaburi 107:16

Omuko dhorangeye mag mula, kendo oturo lodi mag nyinyo.

Zaburi 147:13

Oseketo lodi motegno e dhorangeyeu, kendo oseguedho jou.

Zaburi 76:5

Jolweny ma jochir osedendi, kendo koro ginindo mana nindo mar tho. Onge kata ng’at achiel modong’ ma dikonyre gi gigi mag lweny.

Isaya 19:16

E ndalogo jo-Misri nobed manyap ka mon. Ginibed maluor, kendo ginikirni ka Ruoth Nyasaye Manyalo Gik Moko Duto orieyo lwete kuomgi mondo okumgi.

Isaya 47:14

To winji, gichalo tiang’ ma mach wang’o. Ok ginyal kata mana resore gin giwegi e mach, kendo majno ok nobed mach maberber, minyalo bet bute kioyo.

Jeremia 48:41

Miechgi gi kuondegi mochiel motegno ibiro kawo. Chieng’no jolweny mag Moab nobed gi kihondko mana ka dhako ma muoch kayo.

Jeremia 50:15

Gouru sigich lweny e alwora mar dala koni gi koni, nimar jo-Babulon oseting’o badgi ni wasikgi! Ohingane osetuom momukore! An Ruoth Nyasaye koro achulo kuor ni jo-Babulon. Kuom mano, un bende chulnigiuru kuor, kendo utimnigi mana kaka ne gitimo ni ji mamoko.

Jeremia 51:32

Gisekawo dhowedhe, kendo giwang’o odundu gi mach, mi kibaji ogoyo jolweny mag Babulon.

Jeremia 51:57

Abiro miyo jodonge gi joge mariek gi jotelo kod joge mag lweny bed momer, mi nindo tergi, mi ok ginyal chiew kendo. An Ruoth Nyasaye Manyalo Gik Moko duto, ema awacho kamano.

Ywagruok 2:9

Dhorangeyene bende osepodho piny, kendo Ruoth Nyasaye oseturo lodi mage matindotindo. Ruodh Sayun kod jodonge oke e kind ogendini mamoko, kendo chik Nyasaye koro ok ti. Jonabi mage bende koro ok yud fweny moa kuom Ruoth Nyasaye.

Amos 1:5

Abiro turo lodi mag dhoranga Damaski, mi ariemb jodong holo Aven kod Beth-eden. Jo-Aram ibi dar mi ter mabor e tuech e piny Kir.”

Nahum 3:13

Jolwenji nodok manyap ka mon. Dhorangeye mag pinyi noyawre malach ni wasigu, kendo mach nowang’gi pep.

Fweny 18:10

Ginichung’ gi kuma bor, ka kihondko omakogi nikech sandruok moyudo, kendo giniwach niya, “Yaye! Mano kaka dala maduong’ neno malit! Yaye! In Babulon, dala man gi teko, osetieki mana e sa achiel kende!”