Jeremia 51:25 - MUMA MALER 2015

²⁵ Babulon, ichalo gi got maketho piny ngima, to an Ruoth Nyasaye an jasiki. Abiro maki, mi agoyi piny milokri buru.

Motingʼo Loko Manyien

²⁵ Jehova Nyasaye wacho niya, “Ok adwari, yaye got maduongʼ maketho, un joma ketho piny ngima. Anarie bada kuomu, anadhiru piny kua e geng got, kendo ami ubed ka got mowangʼ.”

Jeremia 51:25 ပူးပေါင်းရင်းမြစ်များ

Chakruok 11:4

Bang’e ne giwacho niya, “Koro wageruru dala maduong’ man gi gorofa mabor mochopo nyaka e polo, mondo walos nyingwa, kik wabed ji moke e kor piny.”

Zaburi 138:7

Kata e kinde ma masiche oketa diere, to irita maber. Ikwedo wasika ma jokwinyo, kendo iresa gi teko mar badi ma kor achwich.

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Jeremia 25:12

To bang’ mano, anakum ruodh Babulon kaachiel gi joge kuom richogi. Anaketh pinygi, mi osik kokethore nyaka chieng’. An Ruoth Nyasaye ema awacho kamano.

Jeremia 25:9

‘Abiro kelo ogendini duto moa yo nyandwat, kendo abiro kelo jatichna Nebukadnezar ruodh Babulon. Ogendinigo biro kedo gi pinyni kod joma odakie kendo gibiro kedo gi ogendini duto modak machiegni. Abiro tiekogi chuth, mi piny biro dong’ nono malich, mabwogo ji, kendo ma ji chayo. An Ruoth Nyasaye ema awacho kamano.

Jeremia 50:25

An Ruoth Nyasaye Manyalo Gik Moko Duto, aseyawo kama okanie giga mag lweny, kendo asegologi gi mirima, nikech an gi gima onego atim e piny Babulon!

Jeremia 50:31

“In Babulon isungori ahinya, omiyo an Ruoth Nyasaye Manyalo Gik Moko Duto amon kodi, kendo kinde koro osechopo ma akumie.

Jeremia 51:53

Kata da bed ni Babulon nyalo idho, mi tundi e polo, kendo ger udi motegno kuno, to pod daor ji mondo okethe. An Ruoth Nyasaye ema awacho kamano.

Jeremia 51:58

Ohinga mapek mar Babulon ibiro ruomb piny, kendo dhorangeyene maboyo nowang’ pep. Tich maduong’ mane ogendini tiyo koro nobed gima nono, nikech tichgi duto koro osewang’ morumo pep. An Ruoth Nyasaye Manyalo Gik Moko Duto ema awacho kamano.”

Jeremia 51:7

Babulon ne chalo gi kikombe mar dhahabu manie lweta, mamiyo piny duto mer. Ogendini nomadho divai manie iye, mi wigi okethore.

Daniel 4:30

mowacho niya, “Neye kaka Babulon duong’! Ne agere gi tekona awuon mondo obed dalana maduong’ kendo anyisigo tekona gi duong’na.”

Zekaria 4:7

Kata da bed ni thagruok mochomo Zerubabel dongo ka gode, to ginipie ka pewe. En ema obiro keto kidi matieko gero Hekalu, ka ji kok niya, ‘Mano kaka Hekalu ber! Ruoth Nyasaye mondo oguedhe.’ ”

2 Petro 3:10

To chieng’ Ruoth nobi mana ka jakuo, kendo chieng’ onogo polo nolal nono ka riadore matek, kendo gik mae kor polo nowang’ mi rum pep. Piny bende nolal kaachiel gi gik manie iye.

Fweny 8:8

Bang’e malaika mar ariyo nogoyo tung’ne, mi gima chalo gi got maduong’ maliel ka mach nowiti e nam, mi bath nam moromo achiel kuom adek nolokore remo,