Jeremia 51:16 - MUMA MALER 2015

¹⁶ En ema omiyo pi manie tok polo wuo, kendo otugo boche polo e tung’ piny duto. Bende omiyo polo mil ka koth chue, kendo ogolo yamo kar kenone mondo okudhi.

Motingʼo Loko Manyien

¹⁶ Ka omor ka polo, to pige manie polo wuo; omiyo boche polo dhwolore koa e giko piny. Ooro mil polo gi koth, kendo okelo yamo koa e kuondege mag keno.

Jeremia 51:16 ပူးပေါင်းရင်းမြစ်များ

Chakruok 8:1

Nyasaye noparo Nowa kaachiel gi le kod jamni mane en go e yie omiyo notugo yamo okudho e piny, mi pi nochako duono.

Ayub 37:13

Ndalo moko Nyasaye kelo koth e piny mondo okumgo ji, to ndalo moko okele mondo onyisgigo kaka oherogi.

Ayub 38:22

Bende isedhi kuonde keno ma akanoe pe,

Ayub 40:9

Bende iratego ka an adier? Koso dwondi bende chal gi mara ma mor ka polo?

Zaburi 104:7

To kane ikwero pigego, ne giringo mi gia. Adier, kane giwinjo kigolo chik kikok,

Zaburi 135:7

Okelo boche polo morweyo kaa e tung’ piny gi tung’ piny, kendo omiyo polo mil e sa ma koth chue.

Zaburi 147:18

Bang’e ogolo chik, kendo pe leny nono. Bende okelo yamo, kendo pi chako mol.

Zaburi 18:13

Dwond Ruoth Nyasaye nomor! Ee, Ng’ama Duong’ Moloyo nomor gie polo!

Zaburi 46:6

Ogendini luor, kendo pinje yiengni, to piny bende leny ka Nyasaye rogo matek.

Zaburi 68:33

Weruru ni Ng’ama ringo gi gache e kor polo ma nyaka nene. Winjeuru ka okok gi duol maduong’.

Zaburi 78:26

Bang’e tekone nomiyo yamb ugue gi yamb milambo okudho,

Wuok 10:13

Omiyo Musa norieyo ludhe e piny Misri, mi Ruoth Nyasaye notugo yamb ugue mokudho e pinyno odiechieng’no duto gotienono duto. To kane piny oru, noyudo ka yamb ugue osekelo bonyo.

Wuok 10:19

Ruoth Nyasaye noloko yamono mi okudho matek kaa imbo, motero bonyo e Nam Makwar, ma kata achiel ne ok odong’ Misri.

Wuok 14:21

Musa norieyo bade e nam, mi Ruoth Nyasaye notugo yamb ugue mokudho matek otieno duto, mi nam nong’wel, kendo kama ne pi nitie nodoko motwo. Pigno nopogore diriyo,

Ezekiel 10:5

Kane buombe kerubigo kwadhore, to winjore koda ka e laru maoko mar Hekalu, mana ka dwond Ruoth Nyasaye Manyalo Gik Moko Duto.

Amos 9:7

Ruoth Nyasaye wacho niya, “Un jo-Israel, gima atimonu chalo mana gi gima atimo ni jo-Ethiopia. Bende nagolo jo-Filistia e piny Kaftor, kendo nagolo jo-Aram e piny Kir, mana kaka un bende nagolou e piny Misri.

Jona 1:4

To Ruoth Nyasaye nomiyo yamo okudho matek e nam, mi ahiti mager ne dwaro ketho yie.

Jona 4:8

Kane chieng’ owuok, Nyasaye nokelo yamb ugue maliet, mi chieng’ ochamo wi Jona, kendo nong’no otere. Kuom mano, nogombo mondo otho, kowacho niya, “Da ber katho, moloyo bet mangima.”