Jeremia 51:12 - MUMA MALER 2015

¹² Chunguro bandera manyiso jolweny mondo omonj ohinga mar Babulon. Jiwuru jorit, kendo keturu jolweny kuondegi, bende keturu jomoko obuti, mondo obuk joma ringo.” Ruoth Nyasaye osetimo gima ne owacho ni notim ni jo-Babulon, mana kaka nochano.

Motingʼo Loko Manyien

¹² Tingʼuru banderane e ohinga mag Babulon! Med jolweny mamoko kijiwogi, ket jorito keregi, ikreuru mar monjogi! Jehova Nyasaye nodhi nyime gi chenro mare, buche moketo mondo otimre ni jo-Babulon.

Jeremia 51:12 ပူးပေါင်းရင်းမြစ်များ

Ngeche 21:30

Rieko gi ng’eyo kod paro matut, Ruoth Nyasaye ok kwan ka gimoro.

Isaya 11:12

Eka enoting’ bandera malo mondo obed ranyisi ni ogendini, mi ochok jo-Israel mane oriemb e pinygi, kendo ochok jo-Juda moke, kogolo e tung’ piny gi tung’ piny.

Isaya 13:2

Chunguru bandera ewi got mojuer kaka ranyisi muluongogo wasik Babulon. Gwelgiuru mondo gidonj e dhoranga Babulon.

Jeremia 23:20

Ok obi rumo kapok otieko timo gik ma adwaro. E ndalo mabiro un joga ubiro ng’eyo tiend wechegi duto malong’o!”

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Jeremia 50:25

An Ruoth Nyasaye Manyalo Gik Moko Duto, aseyawo kama okanie giga mag lweny, kendo asegologi gi mirima, nikech an gi gima onego atim e piny Babulon!

Jeremia 51:11

Ruoth Nyasaye osewinjo ruodhi mag Media, nikech odwaro ketho Babulon, mondo ochulgo ni Babulon kuor kuom ketho Hekalu mare. Jotend jolweny golo chik niya, “Piaguru aserni, kendo ikreuru gi tonge.

Jeremia 51:27

“Chunguru bandech lweny! Gouru tung’ mondo ogendini owinji, kendo giikre monjo Babulon! Luonguru jopinje mag Ararat gi mag Mini kod mag Ashkenaz mondo obi ochak lweny, kendo yieruru ng’ato obed jatendgi. Keluru farese mang’eny ka bonyo.

Jeremia 51:29

Piny tetni kendo yiengni, nikech Ruoth Nyasaye loko Babulon thim maonge ng’ama dakie, mana kaka nosechano.

Ywagruok 2:17

To Ruoth Nyasaye osetimo gima nochano chon. Adier, osetimo gima nosiemo ji ni obiro timo. Oseketho gik moko ka ok odewo, kendo omiyo wasigu ogoyoni siboi komedo tekogi.

Joel 3:2

kendo anachok ogendini duto, mi ater e holo Jehoshafat, (tiende ni, holo ma Ruoth Nyasaye ng’adoe bura.) Kanyo ema nang’adie buchgi kuom gik ma gisetimo ni joga Israel, nikech gisekeyo joga awuon e pinje mamoko, mi gipogo pinya e kindgi giwegi.

Nahum 2:1

Un jo-Israel ma nyikwa Jakobo, Ruoth Nyasaye biro dwokonu duong’ ma yande un go, kata obedo ni joma monjou oseyakou, mi okawo olemb mzabipu. Un jo-Nineve, oganda lweny mag wasiku ma ketho gik moko oselworou moketou diere. Ranguru yo, kendo jiwreuru gi tekou duto!

Joshua 8:14

Kane ruodh Ai oneno ni jo-Israel nowuok mapiyo gi joge duto mondo oked kodgi. Ne ok ong’eyo ni jolweny moko osepondone yo podho chieng’ mar dala.