Jeremia 51:10 - MUMA MALER 2015

¹⁰ Jo-Israel owacho ni Ruoth Nyasaye osenyiso ni gin joma kare. Omiyo giwacho niya, ‘Wadhiuru Sayun mondo walandie gik ma Ruoth Nyasachwa osetimo.’ ”

Motingʼo Loko Manyien

¹⁰ “ ‘Jehova Nyasaye oseketowa joma kare; biuru, we wawache ei Sayun, gima Jehova Nyasaye, ma Nyasachwa osetimo.’

Jeremia 51:10 ပူးပေါင်းရင်းမြစ်များ

Zaburi 118:17

Ok abi tho, to abiro mana bedo mangima, mondo ahul gik ma Ruoth Nyasaye osetimo.

Zaburi 37:6

Enomi nenre maler ni in ng’ama kare, kendo enomi timni makare rieny kaka chieng’ rieny odiechieng’ tir.

Zaburi 64:9

kendo nobed maluor. Ginihul gima Nyasaye osetimo, kendo ginipar matut kuom timbene madongo.

Zaburi 66:16

Un ji duto muluoro Nyasaye, biuru mondo anyisu gik ma osetimona.

Zaburi 9:14

mondo achung’ e nyim jo-Jerusalem, ka anyisogi gik moko duto momiyo apaki. Abiro bedo mail nikech iseresa.

Isaya 24:14

Ji biro ywak matek yo podho chieng’, ka gikok niya, “Mano kaka duong’ mar Ruoth Nyasaye ng’ongo!

Isaya 40:2

Wuouru gi jo-Jerusalem gi muolo, kuwachonigi ni gisetieko ndalogi mag tuech, kendo ni osekumgi moromo. Ruoth Nyasaye osekumogi nyadiriyo kuom richogi duto.”

Isaya 51:11

Kamano joma Ruoth Nyasaye osewaro noduog dala. Ginidonj Sayun ka gikok gi mor, kendo ka mor mosiko opong’o chunygi. Chutho, giniwuothi ka gimor kendo ka giil. To kuyo gi parruok nolal nono.

Jeremia 50:28

(Joma noringo motony koa Babulon nobiro Sayun monyisowa kaka Ruoth Nyasachwa nochulo ni jo-Babulon kuor kuom gima ne gitimo ni Hekalune.)

Jeremia 50:45

“Omiyo winjuru gima asechano timo ni dala Babulon, kod joma odakie, kata mana nyithindgi bende noywa oko, mi kibaji nogo ng’ato ka ng’ato.