Jeremia 50:46 - MUMA MALER 2015

⁴⁶ Ka olo Babulon, to koko nogore matek, mi piny noyiengni, kendo ogendini mamoko nowinj kokone.”

Motingʼo Loko Manyien

⁴⁶ E kinde ma Babulon nomaki piny noyiengni; ywakne nowinjre e dier pinje.

Jeremia 50:46 ပူးပေါင်းရင်းမြစ်များ

Isaya 15:5

Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Jeremia 10:10

To Ruoth Nyasaye e Nyasaye maradier. En e Nyasaye mangima, kendo ruoth mochwere. Ka okecho to piny yiengni, kendo ogendini ok nyal siro mirimbe.

Jeremia 46:12

Ogendini osewinjo ni wiu okuot, kendo ywaku opong’o piny. Jolweny gangore kuom jowetegi, kendo giruombore piny giduto.”

Jeremia 49:19

Anabi mana ka sibuor mochomo lek moloth, kowuok e bungu moyugno manie geng aora Jordan, kendo anami jo-Edom mwomre gi ng’uech kaa. Bang’e ng’at ma ayiero jatelo norit ogandano. “Ere ng’ama inyalo pimo koda? Koso ere ng’ama dihedhre piem koda? En ruoth mane ma dikwer wachna?

Jeremia 49:21

Ka olo Edom, to koko nogore matek mi piny noyiengni, kendo kokono nowinjre nyaka Nam Makwar.

Jeremia 51:29

Piny tetni kendo yiengni, nikech Ruoth Nyasaye loko Babulon thim maonge ng’ama dakie, mana kaka nosechano.

Jeremia 51:54

“Winjuru ywak man Babulon manyiso ni pinyno okethore!

Ezekiel 26:18

To koro Turo osepodho, omiyo pinje manie dhonam kirni, kendo joma odak kuondego kihondko nego, kuom gima osetimorene.”

Ezekiel 27:28

Uwi mane jokwang’ matho goyo nowinjore gie dhonam.

Ezekiel 31:16

Ka awite mwalo e Piny Joma Otho, to koko mopodhogo nobwog ogendini duto. Yien duto mag Eden gi yiend Lebanon mabeyo mayudo pi mang’eny nobed mamor e piny mamwalono.

Ezekiel 32:10

Gima biro timoreni nobwog ogendini mang’eny, kendo ka amilo ligangla e nyim ruodhigi, to remb ringregi noo. Chieng’ ma ipodhoe, to giduto ginibed ka gitetni, ka giparo ni gin bende gibiro tho.”